Novas ||| AVG ||| AudioVisual Galego

<< Anterior Siguiente >>

24/03/2004
AVG é candidato aos Mestre Mateo na categoría de mellor multimedia

O soportal do audiovisual galego (AVG) de Culturagalega.org, Caixa On de Dygrafilms S.L, European World Heritage de Tres Deseos Animación S.L e Marcovigo.com de Interacción son os candidatos á mellor produción multimedia para a vindeira edición dos Mestre Mateo. O xurado de selección de traballos tamén fixo públicos os candidatos nas categorías de mellor produción de publicidade, documental e curtametraxes de ficción e de animación.

Consulta as fichas das produccións candidatas. Na categoría de Multimedia: Dygra e Tres Deseos Animación; na categoría de Mellor Produción de Publicidade: “A todas horas Radio Galega” de Adivina, "Voluntarios" de Estrella Galicia feito por Continental e “Gracias ao voluntario” de Lúa Films; na categoría de Mellor Documental "Muxía, política na Costa da Morte" de Zopilote, "Terras de Merlín" da Produtora Faro e Televisión de Galicia, "O que dis que din" e "Pucho Boedo. Un crooner na fin do mundo" de Voz Audiovisual. Consulta o resto do procedemento no web da Academia Galega do Audiovisual

. Amplía a nova>>

15/03/2004
O Consorcio audiovisual subvencionará a presentación de longametraxes fóra de Galicia

Cada película que se estree fóra de Galicia este ano poderá acceder a unha subvención de 12.000 euros. É a convocatoria de axudas que concede o Consorcio do Audiovisual dentro do seu empeño de promoción produción audiovisual e para o que destina, nesta iniciativa, un orzamento de 120.000 euros.

Máis información no web do Consorcio

. Amplía a nova>>

09/03/2004
Tosar conseguiu o Fotograma de Prata 2003 pola súa interpretación en “Douche os meus ollos”

A Luís Tosar continúa a recibir máis premios polo seu traballo como Antonio en “Douche os meus ollos”. O último en chegar foi o Fotogramas de Prata ao mellor actor. Pero pode que aumente a súa listaxe de galardóns en breve, porque é candidato a un premio no apartado de cine na XIII edición dos Premios da Unión de Actores. O xurado do galardón está formado por todos os actores (uns 2.630) que forman parte da asociación.

Máis información sobre o premio Fotogramas en La Voz de Galicia e sobre o galardón da Unión de Actores en Galicia Hoxe

. Amplía a nova>>

08/03/2004
Lúa Films prepara a primeira longametraxe galega de animación feita con plastilina

A plastilina que empregan 100 colexios durante un curso escolar será a que empreguen Virginia Curia e Tomás Conde para facer a primeira longametraxe galega de animación feita con este material. O proxecto que produce Lúa Films terá un custe de 5 millóns de euros e conta a historia da filla dun dono dun circo que quere ser maga. "Pica Pica Circus" rodarase no 2005 e ten prevista a súa estrea no 2006.

Máis información no xornal La Voz de Galicia . Amplía a nova>>

05/03/2004
O MARCO acolle un ciclo de películas a medio camiño entre a arte e o cine

Cando o cine e a faceta máis experimental da arte se unen o resultado é “Cine e case cine”. Trátase dun ciclo de proxeccións que reúne películas non narrativas, anti-documentais e documentais subxectivos que amosan voces e culturas diversas. Un espello da heteroxeneidade da arte actual que se amosa no salón de actos do Museo de Arte Contemporánea de Vigo (MARCO) desde esta tarde (20:00 horas) e se prolongará durante o mes de marzo.

Máis información no xornal do Concello de Vigo

. Amplía a nova>>

26/02/2004
Pérez Varela anuncia un incremento de axudas para o audiovisual galego do 13%

Este será o ano das producións en animación. É o obxectivo marcado pola Xunta de Galicia, que convocou onte unha rolda de prensa para dar a coñecer a situación do sector. Fílmax, que acaba de constituír a división de animación “Filmax animation”, falou dos seus proxectos en curso (Pinoccio, Donkey e Nocturna). Pola súa parte, Dygra, que onte fixo público o seu novo proxecto “O asno de ouro”, pretende consolidar o seu camiño coa segunda parte de “O bosque animado” e “O soño dunha noite de San Xoán”. O apoio institucional pasa polo anuncio de tres citas relevantes para o mundo da animación: o Cartoon Future (23-25 de abril), Mundos dixitais (5-9 de xullo) e o Cartoon Forum (22-25 de setembro). Pérez Varela tamén anunciou un incremento do 13% nas axudas ao sector audiovisual e mencionou que este ano hai 123 proxectos presentados e 128 máis en estudo.

Máis información en La Voz de Galicia e El Correo Gallego

. Amplía a nova>>

26/02/2004
A mesa anuncia a distribución en galego dos filmes de Doraemon e Shin Chan

A Mesa pola Normalización Lingüística e a distribuidora Luk Internacional continúan xuntas na promoción do audiovisual en galego. De feito, os directores de ambas entidades concorreron onte xuntos a unha rolda de prensa para presentar a dobraxe dos filmes "Doraemon e o Imperio Maia" e "Shin Chan. A Invasión". O presidente da Mesa, Carlos Callón aproveitou a presentación para esixir maior apoio institucional para rendibilizar as películas en galego.

Máis información en Galicia Hoxe e na entrevista a Carlos Callón publicada en Arestora

. Amplía a nova>>

25/02/2004
Maribel Verdú protagoniza “Mar vermello” que coproduce TVG e Continental

Maribel Verdú é a protagonista de “Mar vermello” a película para televisión que coproducen a TVG, Diagonal TV e as productoras Continental e Multipark. Interpreta Xulia, unha stripper que foxe co botín dun atraco, atopado no asento traseiro do seu coche, e que contará coa axuda de Luís (Alex Brendemühl), propietario do bar no que almorza cada mañá. O telefilme está en proceso de rodaxe e emitirase por Telecinco e polas canles autonómicas de Galicia e Cataluña.

Máis información no web de Continental

. Amplía a nova>>

24/02/2004
O concello ferrolá elimina a taxa por rodaxe ás gravacións con finalidade pública no castelo de San Filipe

En 1999 o Concello de Ferrol mercou o castelo de San Filipe que hoxe está proposto pola Real Academia de Belas Artes para que a Unesco o declare Patrimonio da Humanidade. E entre as primeiras medidas que se adoptaron figuraba cobrar unha taxa de 165 euros por rodaxe a cargo de particulares e de empresas interesadas en realizar gravacións cinematográficas, de vídeo ou fotografías. Unha taxa que o actual goberno da que acaba de eximir a aquelas empresas que filmen cunha finalidade social ou pública.

Máis información no Diario de Ferrol

. Amplía a nova>>

18/02/2004
Preséntase a curtametraxe “La petición de mano”, dirixida por Ben Temple con guión de Anxos Sumai

A Sala Yago de Compostela acolle esta mesma mañá a presentación da curtametraxe de Ben Temple “La petición de mano”. O filme conta cun guión de Anxos Sumai, colaboradora de culturagalega.org, e de Tonhito de Poi, que adaptaron a obra homónima de Antón Chéjov a Galicia. O traballo actoral corre a cargo de Ernesto Ferro e de Antonio Duran “Morris” que interpretan unha historia sobre a loita pola terra no rural. . Amplía a nova>>

Novas | 4041 a 4050 de 4285

<< Anterior Siguiente >>

<< Anterior Siguiente >>