Novas ||| AVG ||| AudioVisual Galego

<< Anterior Siguiente >>

04/08/2004
Galicia ten a taxa máis baixa de consumo televisivo do Estado

Os galegos ven menos a televisión que os do resto do Estado. Así se pode ler no Anuario SGAE 2004 das artes escénicas, musicais e audiovisuais. Con 191 minutos de media por persoa e día os galegos son os menos tempo pasan diante do televisor. E este tempo empregouse para ver películas, series e telefilmes, seguidos de formatos de entretemento e informativos. O informe destaca tamén que os concursos son un xénero en declive.

Máis información no web da SGAE

. Amplía a nova>>

29/07/2004
Xan Leira está a rodar un documental sobre Lorenzo Varela que quere estrear simultaneamente en Galicia e Arxentina

"De mar a mar. Lorenzo Varela" é o título do documental que está a rodar actualmente o director de orixe arxentina Xan Leira. Esta produción analiza a vida do poeta que se homenaxeará na vindeira edición do Día das Letras no exilio americano. Leira quere facer unha estrea simultánea deste proxecto en Arxentina e en Galicia en marzo de 2005.

Máis información en Galicia Hoxe; máis sobre Xan Leira en AVG

. Amplía a nova>>

28/07/2004
As Xociviga do Carballiño e Petín un pobo de cine continúan os encontros cinematográficos do verán

Cun programa recortado por eivas no orzamento e cunha temática centrada na Revolución dos Cravos, as Xornadas de Cine e Vídeo de Galicia chegan a partir do seis de agosto á súa vixésimo primeira edición no Carballiño. Entre outras propostas o programa inclúe a proxección de diferentes filmes galegos e portugueses. Unha semana antes, o veneres trinta de xullo, comeza a sexta edición de Petín, un pobo de cine. Neste encontro analizaranse os problemas de distribución que dificultan a chegada de determinados filmes a todas as pantallas e proxectaranse películas que non chegan á vila polos circuítos habituais.

Máis información sobre as Xociviga en La Voz de Galicia; e nos nosos arquivos; sobre o encontro de Petín no web da AGAPI

. Amplía a nova>>

28/07/2004
Preséntanse as rodaxes de "Somne" e de "Residencial Caribe" mentres se confirma que "Mar adentro" se distribuirá en Estados Unidos

"Somne, el que sueña" é o título do filme que está a rodar estes días a produtora coruñesa Vaca Films en Compostela, Lousame e O Grove. O filme, dirixido por Isidro Ortiz, está protagonizado por Nancho Novo e por Goya Toledo, e é primeira longametraxe desta empresa da Coruña. "Residencial Caribe" é unha coprodución entre Cuba e España, con música de Milladoiro e de Pablo Milanés e a presenza de actores coma Manuel Manquiña. O filme comezará a rodarse o vindeiro outono en diferentes localizacións do noso país, segundo apuntaron os responsábeis na presentación da rodaxe que se fixo onte en Compostela. Tamén onte coñecíase que "Mar adentro", o filme de Alejandro Amenábar sobre a vida de Ramón Sampedro será distribuída en Estados Unidos, onde se estreará a finais de ano.

Máis información sobre Residencial Caribe en Galicia Hoxe; sobre Somne e Mar Adentro en La Voz de Galicia; as fichas de Vaca Films e Nancho Novo en AVG

. Amplía a nova>>

27/07/2004
A semana do cine de Betanzos homenaxea a Julio Fernández, presidente do grupo Filmax

Co título "A arte de producir" comeza mañá a VII Semana de Cine de Betanzos que homenaxe este ano a Julio Fernández, fundador e presidente do grupo Filmax. Ademais de Fernández, até o día trinta pasarán pola vila diferentes profesionais e estudosos do sector coma Román Gubern, Jesús Palacio, Brian Yuzna ou Alberto Vázquez-Figueroa entre outros. O programa complétase cun ciclo de proxeccións de obras producidas por Filmax que se desenvolverá na sede do Centro Galego de Artes da Imaxe na Coruña.

Máis información en El Correo Gallego e en El Ideal Gallego

. Amplía a nova>>

23/07/2004
O Festigal de Compostela inclúe na súa programación unha completa mostra de producións audivosiuais

Desde o documental "Santa Liberdade" à aclamada curtametraxe de animación "Minotauromaquia" ou os documentais que fan os alumnos da Escola de Imaxe e Son da Coruña, unha mostra do máis variado do audiovisual galego proxectarase esta fin de semana no marco do Festigal que se celebrará no Campus Sur de Santiago de Compostela. As proxeccións faranse na NASA e incluirán tamén o filme "Hai motivo!", diferentes documentais e curtametraxes de ficción e unha mostra multimedia que achegará producións tanto de Galicia coma da Lusofonía.

Máis información no Web do Festigal; as fichas dalgunhas das produccións que se proxectarán en AVG: Muxía, política na Costa da Morte; Minotauromaquia; A Subela; Santa Liberdade

. Amplía a nova>>

19/07/2004
Mariano Barroso dirixirá Luís Tosar en "Conversas co vento" unha historia épica na Galicia do século XVIII

A loita que os dorneiros das rías galegas desenvolveron contra os monopolios cataláns da pesca no século XVIII é o fondo no que se desenvolve "Conversas co vento". A rodaxe deste filme, comezará baixo a dirección do catalán Mariano Barroso a mediados do vindeiro mes de agosto, e transcorrerá entra a ría de Arousa, a de Muros de Noia e a Costa da Morte, con Luís Tosar coma actor protagonista. A película é unha coprodución entre a compañía galega Ficción Producciones, a TVG, unha canle privada española, unha produtora vasca e unha catalá, e na actualidade está a se negociar a incorporación ao proxecto de empresas francesas e portuguesas. Os responsábeis prevén que en novembro de 2005 remate a rodaxe e que para o 2006 se poida estrear a produción. As festas das Revenidas en Vilaxoán serviron de escenario para a presentación do filme o pasado venres.

Máis información en AVG sobre Ficción Produccións; sobre Luís Tosar; a presentación do filme en Diario de Arousa

. Amplía a nova>>

14/07/2004
A Xunta fai públicas as axudas á produción audiovisual do ano 2004, que suman 3,62 millóns de euros

Setenta e seis proxectos audiovisuais beneficiaranse das axudas á produción audiovisual que fixo públicas onte a Consellaría de Cultura, Comunicación Social e Turismo. Como novidades, no listado de axudas aparece unha adaptación do libro "Diario dun Skin" que anuncia Filmanova ou a serie de curtas de ficción "No país de Nunca Máis" de Producións do País de Nunca Máis. Entre as axudas concedidas destacan varios proxectos de animación, coma "Gisaku" e o "Don Quíxote" que prepara Filmax ou o "Asno de Ouro" de Dygra, onda producións interactivas coma "Ventura na Illa de Hypnos" de Grándola Nova ou "O templo online" de Interacción.

Descarga aquí a listaxe de axudas en formato pdf; máis información en Cine por la Red

. Amplía a nova>>

14/07/2004
O Clúster do Audiovisual anova a súa directiva e presenta o seu plan director para os vindeiros cinco anos

Unha nova xunta directiva presidida por Julio Fernández, e algúns dos plans que desenvolverán os vindeiros cinco anos son as grandes novidades que presentou onte o Clúster do Audiovisual de Galicia. Competir no mercado internacional é o obxectivo das empresas galegas integradas neste colectivo. Neste sentido queren organizar un Centro de Ideas que funcione coma laboratorio de investigación e desenvolvemento para o sector, ao tempo que buscarán un Club de Producións que quere promover alianzas entre os diferentes produtores e facilitar o contacto con posíbeis inversores.

Máis información en La Voz de Galicia; nos nosos arquivos e na ficha do Clúster en AVG

. Amplía a nova>>

14/07/2004
José Luís Cuerda anuncia que está a traballar en dous guións baseados en obras de escritores galegos

O curso “Casares e o cine” que se está a celebrar en Celanova foi o marco no que o veterano cineasta José Luís Cuerda desvelou os seus futuros proxectos, que teñen moito que ver co noso país. Cuerda anuncio que está a traballar sobre dous guións que adaptan senllas obras literarias de autores galegos. Sen concretar moito máis, porque segundo o director os dereitos sobre as novelas están aínda en conversas, asegurou que un dos textos é unha novela de Manuel Rivas.

Máis información en Galicia Hoxe e en La Opinión; consulta o programa completo do curso en AVG

. Amplía a nova>>

Novas | 3981 a 3990 de 4285

<< Anterior Siguiente >>

<< Anterior Siguiente >>