Novas ||| AVG ||| AudioVisual Galego

<< Anterior Siguiente >>

03/04/2006
Distribución.tv convértese na primeira empresa de distribución de contidos e asesoramento audiovisual

José María Besteiro é o presidente de Distribución.tv, unha canle que se encarga da distribución de contidos audiovisuais e asesoramento para outras canles, autonómicas e locais. Ademais, esta empresa ofrece outros servizos como programación, producción local de programas, marketing ou asesoría xurídica. Esta cadea comezará a emitir en setembro en Madrid, Valencia, Murcia e Galicia.

Máis información en Xornal

. Amplía a nova>>

31/03/2006
Comezan as elección da Academia Galega do Audiovisual

A Academia Galega do Audiovisual entra en campaña. Cúmprense tres anos desde a constitución da actual Xunta Directiva (Manolo Gómez como presidente e Isabel Blanco e Miguel Anxo Fernández como vicepresidented) e, tal e como figura no seus Estatutos, venceu o tempo do seu mandato. Por iso, a dirección dimite hoxe, co que se abre o período de presentación das candidaturas (do 3 de abril ata o 15 de maio). O día das votacións será o 31 de maio, e serán os socios os que decidan quen será o novo presidente da Academia.

Máis información no web da Academia

. Amplía a nova>>

31/03/2006
Comeza o Salón Erótico do Atlántico (SEDA), primeiro grande evento dedicado ao mundo erótico en Galicia

Por primeira vez, Galicia acolle un grande salón dedicado ao negocio do erotismo e da pornografía. O Salón Erótico do Atlántico (SEDA) iniciaba onte a súa actividade no recinto feiral de Vilagarcía, Fexdega. Canda aos máis diversos artigos relacionados co mundo do sexo, no evento poderase ver a que se considera primeira curtametraxe pornográfica galega, "Pallas mentais".

Máis información noweb de SEDA, en Vieiros e no noso tema sobre erotismo e cultura

. Amplía a nova>>

30/03/2006
Un documental recupera tres temas inéditos de Andrés do Barro

Fene acolleu esta semana o acto de presentación do documental co que Anxo Fernández lembra a traxectoria artística e persoal do cantante Andrés do Barro (Narón, 1947- Madrid, 1989). Xavier Alcalá, Cuqui Silva (letristas do artista), Nonito Pereira, Xoán Rubia, Manuel Torreiglesias, Pepe Domingo Castaño o falecido Joaquín Luqui participaron neste traballo de quince minutos de duración que se estreará oficialmente no mes de setembro. O documental inclúe tres temas inéditos do primeiro fito do pop galego que trunfou nas listas de éxitos.

Máis información sobre o documental en La Voz de Galicia e sobre a súa figura no noso tema

. Amplía a nova>>

30/03/2006
Un foro explica as vantaxes, o futuro e as claves da televisión interactiva

En moitas ocasións escoitamos falar da televisión interactiva, pero ¿que é iso? Responder a esta pregunta, a súa situación actual e ao futuro que lle agarda é o comeido do foro “Televisión interactiva: perspectivas e futuro” que celebra o Clúster do Audiovisual mañá venres. A xuntanza terá lugar o día 31 no novo centro social que ten Caixanova na cidade herculina.

Máis información no web do Clúster do Audiovisual

. Amplía a nova>>

28/03/2006
Ánxela Bugallo pide un organismo independente que coordine as actuacións en materia de audiovisual

A conselleira de Cultura, Ánxela bugallo, aproveitou a súa participación no pleno ordinario do Consello Asesor das Telecomunicación para demandar a creación dun órgano que coordine todas as actividades en materia de audiovisual. Unha petición que tamén fixeron os profesionais do sector ao longo desta fin de semana, como resposta á convocatoria de axudas feita pública pola consellaría de Cultura o pasado venres. Ademais, Ánxela Bugallo reclama unha coordinación nas materias deste campo que, segundo ela, non se están a dar. As competencias en materia de audiovisual correspóndenlle organicamente ao presidente Emilio Pérez Touriño, a través da Secretaría xeral de Comunicación, na que se integra a Dirección Xeral de Comunicación Audiovisual.

Máis información sobre a petición de Ánxela Bugallo en La Voz de Galicia e en Vieiros, sobre a petición do sector en La Voz de Galicia; e sobre a convocatoria de axudas ao sector na nosa nova

. Amplía a nova>>

27/03/2006
A coprodución de Continental “Os aires difíciles” faise coa Biznaga de Ouro e Mario Iglesias co do público

O tándem Continental- Tornasol acaba de gañar un dos premios máis importantes para o cine español. Trátase da Biznaga de Ouro a mellor película (dotada con 60.000 euros) pola adaptación cinematográfica da novela de Almudena Grandes, “Os aires difíciles”. Non é a única produción galega que gañou en Málaga, xa que a curtametraxe “Madres” que dirixiu Mario Iglesias recibiu o premio do público. Por outra banda, malia que só leva dúas convocatorias, o festival Play-Doc vaise asentando no circuíto de eventos do audiovisual. O festival tivo lugar esta fin de semana e concedeu o seu premio grande (2.000 euros e un ftrofeo) a Andrey Paunov pola longametraxe documental “Georgi e as mariposas”. A sección “Atlántico” (2.000 euros e trofeo) foi para o brasileiro Roberto Berliner por “A persoa é para o que nace” e na de curtametraxes o galardón (1.000 euros e trofeo) foi para Jarek Sztandera por “Po Cud”

Máis información sobre os palmarés nos sitios web do Festival de Málaga e no de Play Doc

. Amplía a nova>>

24/03/2006
Unha empresa asesorará ás produtoras a distribuír os seus produtos

Un dos principais problemas que teñen as produtoras do audiovisual é exportar e distribuír os seus produtos. Con este fin naceu Isabella Audiovisual que asesorara as pequenas e medianas empresas a difundir os seus traballo e a buscar financiamento.

Máis información en Isabella Audiovisual

. Amplía a nova>>

24/03/2006
Empresas e particulares poden presentarse á convocatoria de axudas presentadas pola Consellaría de Cultura

A Consellaría de Cultura presentou hoxe as axudas ao sector audiovisual para a produción de curtas, para a escrita individual de guións e para o desenvolvemento de proxectos audiovisuais. Unha das novidades máis destacadas é que se poden presentar tanto empresas como particulares á de curtas e á de guións. Segundo figura na nota de prensa da consellaría, a valoración será feita por comisións de “expertos independentes”. Ademais, mudará a forma na que se xestionarán as axudas concedidas, xa que ademais da creación de mecanismos de control de calidade e xustificación dos cartos, o goberno ofrecerá anticipos e buscará sistemas de pagamentos adiantados. Créanse axudas para a produción de curtametraxes feitas por mulleres (en colaboración coa Secretaria Xeral de Igualdade) e por mozos menores de 21 anos (en colaboración coa Dirección Xeral de Xuventude). Polo demais, retira a liña de axudas ao desenvolvemento de series de televisión e abre unha modalidade para impulsar a creación de formatos innovadores para a pequena pantalla. . Amplía a nova>>

22/03/2006
A Xunta estuda a creación dun laboratorio de ideas para o audiovisual

O director xeral de Comunicación Audiovisual, Manuel Fernández, comprometeuse onte a estudar a creación dun laboratorio de ideas e de proxectos no campo do audiovisual. Estaera unha vella proposta da Asociación de Directores e Realizadores de Galicia (Crea), que presentaba onte o seu catálogo interactivo.

Máis información en La Voz de Galicia; en El Ideal Gallego e en La Opinión

. Amplía a nova>>

Novas | 3651 a 3660 de 4285

<< Anterior Siguiente >>

<< Anterior Siguiente >>