29/05/2009
Xosé Manuel Olveira, “Pico” será o novo presidente da Academia Galega do Audiovisual
O actor Xosé Manuel Olveira, Pico, encabeza a única candidatura que se presenta para presidir a Academia Galega do Audiovisual. A entidade celebrará esta tarde (20:00 horas) unha asemblea na que os socios elixirán a nova xunta directiva. Pico é un dos actores máis veteráns do país e ten participado en máis de trinta obras de numerosas compañías, así como en abondosas series e producións audiovisuais. O seu último galardón foi este mesmo ano, cando recibiu o premio Mestre Mateo polo seu papel en
Os mortos van ás présas.. Amplía a nova>>
28/05/2009
Sánchez Izquierdo é o novo director xeral da CRTVG
Tal e como era previsible, o Consello da Xunta acaba de aprobar o decreto polo que se nomea a Alfonso Sánchez Izquierdo como director xeral da CRTVG. O Executivo leva a cabo ese nomeamento sen o prometido consenso parlamentario. Na comisión de control da CRTVG desenvolvida onte, no marco dos pasos establecidos pola Lei da Transparencia, amosouse unha nova desavinza entre os diferentes partidos políticos, que acusan aos populares tomar a decisión de xeito unilateral. Por outra banda, no Consello de hoxe tampouco se nomeou á persoa responsable da dirección xeral de Promoción do Sector Audiovisual e contidos Dixitais.. Amplía a nova>>
26/05/2009
A montaxe de Graham Vick sobre o Ouro no Rin abre o ciclo Ópera no cine
O Festival Mozart xa está en marcha. Despois dun dos primeiros pratos fortes, a montaxe de Mitridate que tivo lugar a semana pasada, hoxe comeza unha das súas actividades secundarias: o ciclo Ópera no cine. Un apartado que pretende achegar a ópera noutro formato diferente do habitual, en pantalla grande. A primeira das gravacións proxéctase hoxe na sede da Fundación Caixa Galicia da Coruña ás 19:00 horas. Trátase de O ouro do Rin de Wagner que Graham Vick (escenógrafo homenaxeado nesta edición) proxectou para o Teatro Nacional de Sao Carlos de Lisboa que gravou a Radio Televisión Portuguesa. Entidade que cedeu dúas gravacións ao festival para incorporar a este ciclo gratuíto. . Amplía a nova>>
26/05/2009
Continental prepara tres videoxogos para as consolas de Nintendo, a Wii e a DS
Comezaron no mundo dos videoxogos cun traballo para pecé, o ELE (evento Ligado á Extinción) con catro persoas no plantel máis a colaboración dos departamentos de dúas universidades galegas (Santiago e Vigo). Agora, Continental acaba de dar un salto de xigante ao conseguir a certificación de Nintendo, que só posúen media ducia de empresas en toda España, e que lles autoriza a desenvolver contidos para as consolas deste xigante xaponés (Wii e DS). Para esta plataforma están a desenvolver tres videxogos en paralelo: Emotional training, para pór a proba as habilidades emocionais dos xogadores; unha máquina de verdade para saber “quen engana mellor” e unha chimenea manexable por control remoto. Este último espera que esté dispoñible na tenda virtual (webstore) de Nintendo este ano. Continental games é a división de animación de Continental, que espera converterse en breve nunha compañía independente para facer unha aposta máis forte neste sector nos vindeiros cinco anos.. Amplía a nova>>
25/05/2009
Dani de la Torre e Jorge Morais gañan na VI edición do Festival de Cans
Por nada de Dani de la Torre e O pintor de ceos de Jorge Morais son os gañadores da VI edición do Festival de Cans. O xurado valorou a cinta de Dani de la Torre “por ser unha peza na que todos os elementos dunha curtametraxe están equilibrados”. No caso de O pintor de ceos, o xurado destacou “cada plano está traballado ao límite”. No caso deste traballo, intégrase no catálogo de Curtas09 que edita o Consorcio Audiovisual Galego. Os actores de Uruguay 2030, Henar Jiménz e Edga Blanco recibiron os premios pola súa interpretación. No caso do masculino, o galardón foi compartido con Vicente de Sousa por Queres ser director de cine?.. Amplía a nova>>
22/05/2009
A Xunta inicia os trámites para nomear a Sánchez Izquierdo como director xeral da CRTVG
O Consello da Xunta acordou onte iniciar o procedemento para nomear ao director xeral da CRTVG. O candidato proposto é Alfonso Sánchez Izquierdo (Sidi Ifni, 1949), xornalista vencellado ao xornal La Región durante tres décadas. Tal e como establece a lei da CRTVG, a proposta pasa agora ao Consello de Administración do ente público que emitirá un parecer (non vinculante) antes da súa aprobación definitiva. Ademais, en virtude da lei da transparencia, a súa designación pasará polo Parlamento, concretamente pola Comisión de Control da CRTVG. Sen embargo, non é necesario que haxa consenso entre os diferentes grupos xa que non se establece ningún tipo de marioría para dar o visto e prace á designación, . Amplía a nova>>
20/05/2009
A data límite do apagón analóxico terá lugar en abril do 2010
Sábado, 3 de abril de 2010. Esta é a data límite para o cesamento das emisións da televisión en analóxico. É a mesma desde que se leva falando da famosa Televisión Dixital Terrestre (TDT), aínda que a Xunta establecera un calendario no que se planificou un apagamento gradual das emisións analóxicas que comezou na Fonsagrada a finais de 2008 no marco dun proxecto piloto. Pero o cambio do goberno en San Caetano, cos atrasos que supuxo na toma de decisións, a falta de cobertura e un baixo nivel de peneatración da TDT fixo adiar todas as previsións. Agora, o Ministerio de Industria confirma que haberá permisividade cos retrasos marcados polo goberno galego, pero será inflexible coa data definitiva do apagón do 2010.. Amplía a nova>>
20/05/2009
O Teatro Jofre de Ferrol acolle hoxe a estrea do Club da Calceta
Primeiro foi unha novela, despois unha obra de teatro e agora unha película. O Teatro Jofre de Ferrol acolle hoxe (20:30 horas) a estrea do telefilme O Club da Calceta, a adaptación da obra de María Reimóndez. Dirixido por Antón Dobao conta a historia de Matilde (Susana Dans), Anxos (Sonia Castelo), Rebeca (Katia Kléin), Elvira (Mela Casal), Luz (María Vázquez), Maruxa (Inma Colomer), Rusa (Antela Cid) e Pitusa (Camila Bossa), unhas mulleres moi diferentes entre si que acoden a clases de calceta, onde expoñen as súas frustracións ao tempo que toman conciencia da súa situación e da necesidade de superala. Producido por Ficción xunto coa TVG e Diagonal Televisión, foi rodado integramente na cidade de Ferrol entre setembro e outubro de 2008. O telefilme fai parte da serie Un mundo de historias, proxecto creado por Antón Dobao centrado na adaptación de obras literarias galegas. Amplía a nova>>
20/05/2009
O milagre dos cans
Por máis que se intente trasladar o ambiente (os chimpíns, a Can parede, os coloquios nas leiras….) nada é comparable co que se vive alí. É unha cita ineludible para os que gusten da cultura tradicional, pero tamén das curtametraxes. A sexta edición de Cans abre as súas portas esta tarde co mesmo estilo e filosofía de sempre: o agroglamour. Pero que a festa non agoche a súa verdadeira dimensión, a de promoción do sector audiovisual no que Cans desenvolve un importante labor. . Amplía a nova>>
18/05/2009
Aberto o prazo de recepción de varios festivais de curtametraxes
Desde hai unha semana Curtocircuíto, o festival de promoción da curtametraxe de Santiago, xa ten aberto o seu prazo de inscrición. Non é o único certame que abriu os seus prazos, xa que o Festival Internacional, Nacional e Interparroquial de Cine Centrifugado y Canalla de Sada tamén acaba de abrir o prazo de presentación de traballos. En ambos os dous casos, pódense presentar curtametraxes de ámbito internacional. O Festival de Cine Centrifugado e Canalla recibe material ata o 18 de xuño, e ata un día despois, o Curtocircuíto de Santiago.. Amplía a nova>>
