26/08/2009
O documental Que culpa ten o tomate presentarase no MoMA
Que culpa ten o tomate é un documental que percorre sete mercados populares de Galicia e de Latinoamérica da man doutros tantos directores. No proxecto participa o galego Jorge Coira, que amosou a praza de Abastos de Compostela, e mais a produtora Tic Tac. O vindeiro mes de novembro, o proxecto presentarase publicamente nada menos que no Museum of Modern Art (MoMA) de Nova York. Polo momento no está fechada a data nin o formato do acto..
Amplía a nova>>
25/08/2009
Os festivais de cinema ven perigar as axudas da Xunta
As convocatoria de axudas que a Xunta de Galicia publicou en xullo de 2008 para apoiar a realización de festivais en Galicia non tivo, polo momento, continuidade este ano. Segundo publica
Xornal de Galicia boa parte dos organizadores destes eventos non contan xa con que se poida optar a apoios autonómicos este ano. Cultura non se pronunciou polo momento sobre a posible convocatoria destas axudas para 2010. O grado no que os diferentes eventos se poden afectados por esta situación varía desde o Amal, que asegura ter programada a súa vindeira edición sen novidades, ata o Play-Doc, que baralla ter que recortar o orzamento para 2010 xa que o 40% dos seus fondos viñan do apoio autonómico..
Amplía a nova>>
21/08/2009
Comezan as Xornadas de Cine e Video de Galicia
Trinta proxeccións, que se desenvolverán entre o 22 e o 28 de agosto compoñen o groso as Xornadas de Cine e Video de Galicia (Xociviga) que comezan no Carballiño. Ademais dos filmes, os que se acheguen á vila poderán ver a exposición
O cartelismo das actividades cinematográficas en Galicia (1973-1989). Tamén se lle renderá unha homenaxe a Xosé Olveira
Pico polo seu traballo no desenvolvemento do audiovisual galego..
Amplía a nova>>
17/08/2009
Sistemas de película
Os profesionais do sector audiovisual (técnicos e actores principalmente) crearon unha plataforma en xuño para denunciar a situación de paro e negro futuro no que estaban. Algúns produtores, de xeito illado e a título persoal, fixeron declaracións sobre a mala situación do sector audiovisual que se agravará pola política seguida na concesión das axudas deste ano, concentrada en poucos proxectos. Pero ¿cal é a situación? ¿é a crise global ou son problemas anteriores? Damos as claves para entender a situación do sector audiovisual galego..
Amplía a nova>>
14/08/2009
O Goberno aproba TDT de pagamento por Real Decreto Lei
“Razóns técnicas e económicas” son as que citou a vicepresidenta primeira do goberno, Maria Teresa Fernández de la Vega, para dar luz verde á televisión dixital terrestre de pagamento. Fíxoo por Real Decreto Lei, un recurso lexislativo que se aplica en casos de extraordinaria e urxente necesidade. Unha hora despois de coñecerse a súa aprobación por parte do Consello de Ministros, algúns grupos empresariais como Mediapro anunciaron que comezarán a emitir no novo sistema a partir do vindeiro 31. Ademais, a medida que entrará en funcionamento a partir da publicación no BOE, implica que os actuais sintonizadores de TDT non servirán para a nova modalidade e haberá que mercar outro que permita ler as tarxetas de pago coas que se comercializarán os contidos. Un feito que as diferentes organizacións de consumidores (CECU, Ceaccu e OCU) xa denunciaron pola súa falta de información..
Amplía a nova>>
11/08/2009
A G2 e a TVG concentran no verán a súa oferta televisiva para os pequenos
Os veráns escríbense en galego e baixo a marca da Televisión de Galicia. O ente público, a través das dúas canles (TVG e G2) emite máis de oito horas diarias de contidos infantís en galego. De luns a sábado entre as nove e as dez e media da mañá o Xabarín ofrece debuxos animados en series como
A Máscara,
A Lexión de Superheroes,
Codigo Lyoko,
Minuscule, e os sábados,
Doraemon,
Sarxento Keroro e
A Vida Moderna de Rocko. A programación da G2 empeza máis tarde, ás 13:45 horas, cos Teletubbies aos que lle siguen series como
Doraemon, ou
Detective Conan. As tardes (a partir das 19:40) son da Xeración Xabarín, bloque no que se emiten clips do Xabarín, parte do arquivo e vídeos musicais e reportaxes xuvenís. .
Amplía a nova>>
11/08/2009
Curtocircuíto volve ás rúas para exhibir as mellores curtametraxes
A nova edición de Curtocircuíto, o festival da curtametraxe de Santiago, quenta motores. A antesala do encontro o que exhibe nas rúas e prazas de Compostela as mellores curtametraxes galegas, europeas, do mundo e o palmarés da última edición chegan a partir da vindeira semana. A sección deste encontro comezará o martes 18 de agosto no Toural proxectando os traballos gañadores da V edición do certame, e sucederanse ata o 27 de agosto. A programación, que se pode descargar no web, remata o venres 28 cun concerto na Quintana do Dj Chris Vogando aka Zero dB acompañado de VJ Paradigma e o Colectivo Oruga..
Amplía a nova>>
10/08/2009
As produtoras buscan apoio da TVG e do IGAPE ante a crise do sector audiovisual
A crise económica global e o atraso na resolución das axudas da Axencia Galega das Industrias culturais están a pasar factura ao sector audiovisual. Alomenos así o defende Pancho Casal, vicepresidente do Clúster Audiovisual Galego, ao asegura no
Faro de Vigo que a crise é “moi grave” e afecta principalmente á longametraxes de ficción. Ademais, o responsable de Continental afirma que a produtora coruñesa está reorientando a súa estratexia en función da crise para centrarse nas liñas de animación e videoxogos e aparcando a produción de ficción. Non é o único caso, outras empresas como Milou Films cuestionan a adxudicación das axudas, con contías elevadas entre poucos beneficiarios. As produtoras esperan agora un maior apoio por parte da TVG e a ampliación da liña de crédito que facilita o IGAPE para poder facer fronte á situación..
Amplía a nova>>
05/08/2009
Padre Casares terá versión cinematográfica con axuda de Agadic
A web de Agadic (Axencia Galega das Industrias Culturais) publica hoxe as resolucións das convocatorias de axuda para producións, coproducións, desenvolvemento e promocion do talento do audiovisual galego. En total repartirán preto de cinco millón de euros en catro anualidades entre unhas oitenta producións. Entre os títulos destaca, a versión cinematográfica de
Padre Casares, a popular serie producida por Voz Audiovisual que emite cada luns a TVG. As historias de Eduardo Barreiros (o Henry Ford Galego), Emilia Pardo Bazán (a condesa rebelde) son outras dos traballos que o audiovisual levará á pequena e á gran pantalla. .
Amplía a nova>>
04/08/2009
A crise de Dygra impídelle estrear Noite de ¿paz? este Nadal
Ía ser a gran estrea do audiovisual galego deste Nadal, pensada para competir na carteleira con outras producións de animación.
Noite de ¿paz?, a primeira película de animación realizada en 3D estereoscópico do audiovisual galego, non chegará ás salas de cinema cando estaba previsto. A crise financeira que atravesa a compañía (a metade do plantel que quedou na empresa logo dun ERE temporal acaba de facer público un comunicado no que aseguran levar oito meses sen cobrar) afecta directamente a todos os proxectos que tiña previsto a empresa. Desde o gabinete de prensa de Dygra, ademais de recoñecer a delicada situación, apuntan que está en proceso unha operación financeira na que está implicado o IGAPE e unha entidade financeira galega, que confían lle permita a Dygra retomar en breve a súa actividade..
Amplía a nova>>
