17/10/2011
V Televisión estrea unha serie sobre o patrimonio lendario do país
Presentada polo divulgador cultural Xosé Couñago, a serie
Lendas Vivas leva ás pantallas de V Televisión a dramatización dunha lenda do acervo cultural do país. Nunha viaxe por diferentes puntos de Galicia, a serie documental, producida por Imposíbel Producións e V Televisión, combina as entrevistas con historiadores e expertos coa interpretación das lendas. O primeiro episodio, que xa se pode ver en liña, emitiuse onte, domingo, pola noite, coa lenda "Floralba e o peregrino", orixinaria do Castelo de Sobroso (Ponteareas). .
Amplía a nova>>
14/10/2011
Cineuropa proxectará os filmes gañadores en Venecia e Berlín na súa edición número 25
O vindeiro mes de novembro dará comezo en Santiago Cineuropa. Unha cita fiel ao calendario que está a ultimar as súa programación de cara unha edición que celebrará as súas vodas de prata. Da programación sábense algúns títulos que estarán presentes nesta cita, como os filmes gañadores do León de Ouro da Mostra de Venecia (
Fausto, o filme que completa a tetraloxía de Alexandre Sokurov sobre o poder) ou o Oso de Prata da Berlinale (
Un cabalo Turinés de Béla Tarr). Haberá sorpresas para o público nunha edición que repetirá a fórmula habitual de “festival de festivais” con numerosas cintas procedentes de Asia, África e Latinoamérica. .
Amplía a nova>>
13/10/2011
Continental presenta wecoop, unha plataforma crowdsourcing para contidos audiovisuais
O sector audiovisual é consciente de que a nova realidade (tecnolóxica, económica, social) mudou o modelo de negocio. A semana pasada o produtor Pancho Casal (responsable de Continental, unha das empresas produtoras máis fortes do sector) apuntaba cara tres liñas do modelo de neocio: o branded content, a produción de videoxogos ligado a contido audiovisual e a produción colaborativa. Precisamente este último campo está relacionado co que hoxePancho Casal deu a coñecer a través do seu blog e das redes sociais. Chámase Wecoop e, baseándose na filosofía crowdsourcing, está dirixido a produtores, profesionais e afeccionados, para producir e comercializar contidos audiovisuais, nos que a rede é un factor determinante para traballar. Unha plataforma para porá en conexión a profesionais e afeccionados ao mercado do sector audiovisual con produtoras para ofrecer productos audiovisuais de calidade e orixinais..
Amplía a nova>>
11/10/2011
A produción cinematográfica e de ficción debátese hoxe en Correo TV
A realidade do sector audiovisual entra hoxe a debate en
Faladoiro, o programa de Correo TV (21:30 horas). O debate centrase en dous aspectos concretos do sector: o cine e a ficción galega. Para falar do tema, o programa presentado por Carlos Roma contará coa presenza de Anxo Quintanilla, xerente do Consorcio Audiovisual de Galicia; Antonio Mourelos, presidente da Academia Galega do Audiovisual; Ramón Varela, produtor executivo de Pórtico e Jorge Algora, director de cine e alto executivo de Adivina. .
Amplía a nova>>
11/10/2011
O festival Amal revalida a súa aposta polo cine árabe na súa novena edición
Se en 2010 se proxectaron 45 filmes, neste 2011 serán só 26. Este é o total de curtametraxes e longametraxes que se exhibirán entre o 24 e o 29 deste mes de outubro. O festival nota o impacto da crise no número pero non na calidade das producións a competición, que pretende dar conta a realidade do mundo árabe. En canto ás actividades paralelas, o certame contará con obradioros de caligrafia, cociña, danza árabe; coa semana gastronómica e con dúas actividades expresamente relacionadas co sector audiovisual (o ciclo de cine experimental eo certame Amal Express)..
Amplía a nova>>
11/10/2011
Clásicos independentes
“Tócache!”. Este é o eslogan da XVI edición do Festival de Cine de Ourense e toda unha declaración de intencións do que pretende ser este certame que abre as súas portas ao público o vindeiro venres. “O público é o auténtico leitmotiv, sen el non sería posible, e para el acometemos unha reestruturación dos ciclos, sección e demais programación ” asegura Diego G. López, voceiro dun festival que este ano se estrea sen director..
Amplía a nova>>
11/10/2011
A folga impide a emisión de sete programas da CRTVG
O espectadores de Televisión de Galicia, nas súas dúas canles, apreciaron onte que a cadea pública ofreceu unha programación “diferente” do habitual. Por mor da folga dos traballadores do ente, que protestaban contra o establecido no texto pactado entre PSdG-PSOE e PPdG ao respecto da Lei de Medios Públicos Audiovisuais, onte non se emitiu A Revista, A Solaina, Foro Aberto, Galicia noticias, o Telexornal Noite e os informativos locais. No seu lugar ofrecéronse productos enlatados. O outro programa que non se puido emitir, xa no segundo canal, foi o informativo cultural
Zig Zag. A folga tivo menos impacto na Radio Galega, onde só se suspenderon o Diario Cultural e o informativo local de Ourense. Os traballadores prepararon unha manifestación aberta para o vindeiro día 22 de outubro..
Amplía a nova>>
10/10/2011
Os traballadores da CRTVG decláranse en folga pola nova Lei dos Medios Públicos
Cando o Partido Popular gañou as eleccións anunciou un paquete de reformas de textos xurídicos que afectaban ao sector da comunicación, entre eles a da CRTVG (da que xa houbera intentos previos). Tralo coñecemento de que Partido Popular e PSOE de Galicia pactaran o texto da nova Lei dos Medios Públicos Audiovisuais, os traballadores responderon cunha convocatoria de folga. Hoxe é o primeiro día desa vaga de protestas que xustifican o parón en que o novo texto “deixa aberta a porta á privatización da CRTVG, ao despedimento de boa parte dos seus traballadores e traballadoras, e que ademais reforza o control político da información”..
Amplía a nova>>
07/10/2011
Tres filmes galegos compiten en Sitges
O Festival Internacional de Cinema Fantástico de Sitges, que comezaba onte, conta na súa 44 edición con tres filmes galegos a concurso. Por unha banda, está a xa comentada
Lobos de Arga de Vaca Films, que compite na sección oficial Fantàstic. Pola outra,
La mujer del eternauta de Frida Films e con dirección de Adán Aliaga tentará facerse co premio na categoría Noves Visións. Pola súa banda, o coruñés F. Calvelo entra a concurso coa curtametraxe
Carabás..
Amplía a nova>>
06/10/2011
Ourense reúne profesionais para explorar novas vías de circulación e distribución audiovisual
O vindeiro xoves e venres, 13 e 14 de outubro, o Centro Cultural da Deputación de Ourense acollerá dous seminarios técnicos destinados a analizar a distribución audiovisual e o intercambio entre festivais de cine. No primeiro caso, sobre distribución audiovisual, contarán coa presenza de destacados especialistas como Fréderic Cros, Director Xeral do Polo da Imaxe de Angouleme, especializado no sector da animación e os videoxogos. No seminario de intercambio de festivais participarán representantes de festivais franceses, galeses, portugueses e galegos. Os seminarios están promovidos dentro do proxecto IMAGINA ATLANTICA, que tenta promover a iniciativa empresarial transnacional no ámbito do audiovisual..
Amplía a nova>>
