05/06/2012
Dúas Letras de Eloy Varela faise tamén co Primavera de cine de Vigo
No transcurso da gala de clausura do festival Primavera de Cine, en Vigo, fixéronse públicos os gañadores deste certame, que se escollen por votación popular. A produción
Dúas letras de Eloy Varela resultou gañadora na categoría Curtametraxes, o cal a convirte nunha das curtametraxes do momento tras gañar nos festivais de Bueu e Cans. No ámbito das longametraxes, o filme
Relatos de Mario Iglesias fíxoese co galardón. Pola súa banda, mo estudo de animación vigués Duplo Studio gañou o premio á mellor dirección de videoclip con
The man who lived in death, protagonizado por Patricia Moon. No
Primavera de cine participaron 7 longametraxes, 15 curtametraxes e 24 videoclips galegos..
Amplía a nova>>
28/05/2012
Mr. Bear é elixida mellor curtametraxe de ficción en Cans
A curta
Mr. Bear dirixida por Andrés Rosende foi escollida polo xurado profesional como mellor curtametraxe, por conxugar "a técnica, a interpretación e o humor, nun exercicio de ironía pura e dura". O xurado dos veciños, pola súa contra, valorou a historia
Dúas letras, dirixida por Eloy Varela, "porque é unha historia do mundo rural, pola súa delicadeza ao presentar o sufrimento dunha nai que espera as cartas do seu fillo". O xurado premiou tamén a
O xigante, de Luis Matta e Julio Vanzeler, na mellor curta de animación e a
El baile maldito, de Rafa de los Arcos, polo seu guión. .
Amplía a nova>>
25/05/2012
Unha curta 3D alerta sobre o impacto de introducir predadores nas illas
O Grupo de Ecoloxía e Evolución de Plantas da Universidade de Vigo acaba de publicar, no marco do seu proxecto Divulgare na rede unha nova curtametraxe en animación tridimensional. A produción,
The introduction of predators such as cats in islands ecosystems pretende alertar sobre o risco de introducir gatos ou cans en illas como poden ser Ons ou Cíes, xa que poden levar á desaparición de especies de réptiles en perigo de extinción..
Amplía a nova>>
23/05/2012
Dez persoeiros reflexionan sobre a situación do galego nun documental
Lois Dieguez, Xurxo Souto, F. Xosé Fernández Naval, Antía Otero, X. R. Freixeiro Mato, Dores Tembrás, Estibaliz Espinosa, Pilar Pallarés, Ánxeles Penas e Marcelino Fernández Mallo son as voces que recolleu Xosé Bocixa para o seu documental
A lingua a reflexión. O proxecto quere animar a pensarmos a situación da lingua baixo o goberno autonómico do PP e está dispoñible de xeito íntegro na rede..
Amplía a nova>>
23/05/2012
Tempos de Cans
A crise déixase sentir nas producións pero non no evento. O Festival de Cans dá comezo hoxe á súa IX Edición aparecendo como unha excepción no panorama de crise do audiovisual. Fronte aos recortes ou suspensións aos que se enfrontan outras citas, o encontro do Porriño medra, aínda que os seus organizadores recoñecen que, dun xeito ou doutro, os problemas económicos se deixan senstir nas producións que reciben.
.
Amplía a nova>>
22/05/2012
Engurras chegará a Estados Unidos da man de GKids
A distribuidora neoyorkina GKids, especializada en filmes independentes e de animación, acaba de se facer cos dereitos para Estados Unidos do filme
Engurras, producido pola galega Perro Verde films e mais Cromosoma. Con esta venda, o filme suma un novo país á súa distribución, logo que os dereitos fosen xa adquiridos para Canadá, Rusia, Latinoamérica, China e Polonia. O filme competirá en breve nos festivais de animación de Annecy e no de Karlovy Vary. Ao tempo, o vigués Lois Patiño estrea estea mesma semana a súa obra
Ecos del bosque no festival Rencontres Internationales París/Berlín/Madrid e
Na vibración da auga no Media City Film Fest, de Ontario, Canadá. .
Amplía a nova>>
14/05/2012
Cultura reformulará as axudas ao audiovisual
As bases coas que se convocan as axudas económicas para o sector audiovisual reformularanse de cara ao vindeiro ano. A Consellaría de Cultura desenvolverá, entre este mes e o vindeiro setembro, unha serie de conversas con representantes das diferentes asociacións profesionais do audiovisual galego coa intención de "recoller todas as suxestións e puntos de vista" as mesmas o respecto. Un encontro entre o director da Axencia Galega das Industrias Culturais, Xoán Carlos Fernández Fasero e membros da Asociación Galega de Guionistas abriu esta rolda de conversas..
Amplía a nova>>
14/05/2012
Un documental e un proxecto multimedia homenaxean os voluntarios do Prestige
Co amparo dunha coñecida marca de cervexas e no marco da súa campaña internacional para coidar as praias, os voluntarios que participaron na recollida do fuel do Prestige das nosas costas están a recibir unha homenaxe. A directora de cinema Isabel Coixet dirixiu o documental
Marea blanca, que recolle os testemuños dalgunhas das preto de 125.000 persoas que se achegaron a participar, hai agora dez anos, nas tarefas de limpeza da costa. O trailer está xa dispoñible na rede, e a estrea, tamén en liña, farase o vindeiro 17 de maio. Canda a isto, na rede pode verse unha fotografía de toda a Costa da Morte sobre a que se amosan testemuños, fotografías e vídeos dalgúns dos que participaron nesta marea..
Amplía a nova>>
14/05/2012
Cristi Iftime faise co premio internacional de Curtocircuíto
A novena edición do festival Curtocircuíto fechaba portas o pasado venres coa entrega dos seus premios. O romanés Cristi Iftime, co filme
15 iulie (
15 de xullo) obtivo o galardón na sección internacional, mentres
Tuba Atlantic do noruegués Witzo Jaquier fíxose co Premio do Público. O británico Joseph Pierce, co seu
The Pub impúxose na categoría de animación, e na sección de curtas galegas venceu Sonia Méndez con
Conversa cunha muller morta..
Amplía a nova>>
09/05/2012
O Festival de Cans presenta a súa IX edición
Entre o 23 e o 26 de maio, Cans, en Porriño, acollerá a IX edición do seu festival de cinema. Un total 18 curtas competirán no evento, que acollerá tamén unha sección centrada no traballo de galegos residentes no exterior. Entre as proxeccións, poderá verse
Personal movie, o novo traballo de Héctor Carré, así como escenas inéditas de
Engurras e
Tralas luces, e fragmentos de filmes en desenvolvemento. Entre as novidades da edición, a organización destaca Cans Voulevar, un espazo que acollerá actuacións musicais e un mercadiño..
Amplía a nova>>
