08/10/2012
A cultura entra en debate
Concretar o programa de garantía financeira para que as pequenas e medianas empresas teñan acceso a liquidez para os seus proxectos; incorporar moda e gastronomía na definición de industria cultural... estas son algunhas das propostas que representantes da cultura trasladaron a dous eurodeputados nunha xornada organizada pola oficina en España do Parlamento Europeo. As súas conclusións farán parte do debate parlamentario que arrinca hoxe en Bruxelas e de cuxo resultado dependerán as políticas culturais europeas de 2014 a 2020..
Amplía a nova>>
05/10/2012
O programa Axóuxeres pásase ao multimedia
O programa
Axóuxeres, co que a Secretaría Xeral de Política Lingüística busca dinamizar o galego en nenos e nenas de entre 0 e 6 anos presentaba onte unha edición na que integra o multimedia. Para alén de cancións e de teatro o proxecto integra unha xira de proxeccións cinematográficas e chegará en total a máis de 40 concellos da Rede de Dinamización Lingüística. Ademais haberá un espazo de animación centrado nesta iniciativa que se emitirá na segunda canle da televisión autonómica e desenvolveranse xogos para teléfonos móbil. .
Amplía a nova>>
02/10/2012
Preséntase A visitadora de cárceres, telefilme sobre Concepción Arenal
A avogada e escritora Concepcion Arenal (1820-1893) traballou como visitadora de cadeas e coa súa experiencia escribiu un volume, que está na base da reforma do sistema penitenciario estatal. Esta época é a que recolle
A visitadora de cárceres, un telefilme que producen Zenit Televisión e Distinto Films e coa coproducción de Televisión Española, Televisión de Galicia e Televisió de Catalunya, O filme preséntase este mércores 3 de outubro no Teatro Jofre de Ferrol, con entrada de balde..
Amplía a nova>>
02/10/2012
Animacam contará con sede física na súa quinta edición
A quinta edición do festival de animación, Animacam chega repleto de novidades. A máis destacada é que por primeira vez terán sede física para proxectar os seus traballos finalistas. Será na sede do Macuf onde se poderán ver entre os días 8 e 9 de febreiro e tanto os asistentes como as votacións na rede elexirán aos gañadores desta edición (que se dividirán no concurso off line e on line e se saberán o 12 de febreiro). Ademais, os meses de marzo e abril, o Macuf tamén programará ciclos de animación temáticos de Animacam por idades. Polo demais, a programación deste ano tamén contempla un maratón internacional con películas procedentes de los cinco continented, logo dun ciclo de proxeccións itinerantes que conformarán o que denominan “Premios solsticio de verán”. Co anuncio desas novidades abriuse tamén o prazo de recepción de traballos..
Amplía a nova>>
02/10/2012
Unha década con academia
Fundouse en 2002, cando o sector audiovisual acababa de recibir a etiqueta de estratéxico, co obxectivo de visibilizar os filmes, documentais, curtas e produtos de todo tipo. Dez anos despois, cunha crise desbordante, a Academia Galega do Audiovisual mantense co reto de representar pór en valor os traballos feitos no país. Premios, xornadas e de interlocución entre sector e administración son algúns dos papeis que terá que desenvolver..
Amplía a nova>>
02/10/2012
O Museo de Ribadavia estrea un ciclo de cine etnográfico
Proxeccións e coloquios conforman o esqueleto do ciclo Cine de Outono. Unha proposta que desenvolve o Museo Etnolóxico de Ribadavia desde un punto de vista etnográfico para achegarse a historia de localidades galegas. Ignacio Vilar, director do museo, é quen coordina esta mostra financiada pola Consellaría de Cultura e que parte con producións audiovisuais galegas.
Milímetros, do director Xes Chapela e producida por Matriuska é a encargada de abrir esta proposta o vindeiro venres 5 de outubro (20:00 horas)..
Amplía a nova>>
01/10/2012
O Festival Amal cumpre dez anos achegando o cinema árabe a Santiago
Xurdiu hai unha década coa intención de achegar á sociedade a realidade cotiá da cultura árabe. “Dez anos despois, todos aqueles que se interesan pola cultura e asistiron ás proxeccións, teñen outra visión e poden saber máis do que está acontecendo nos países árabes” asegura o seu director, Ghaleb Jaber, que está contento cos resultados colleitados. Son dez anos de traballo achegando a cinematografía, gastronomía, arte e a música porque, na súa opinión “hai moita confusión sobre a realidade, e nós pretendemos contribuír a traer un pouco de luz”. Nesta ocasión, seleccionaron 31 filmes dos 700 traballos recibidos, e confeccionaron un programa anegado de actividades de danza, música, caligrafía, gastronomía, conferencias e un programa pensado especialmente para os nenos. A cita, en Compostela, do 14 ao 20 de outubro..
Amplía a nova>>
28/09/2012
Quiosco: Papeis da Academia, 6
Co obxectivo de conseguir en 2013 os cincocentos académicos, a Academia Galega do Audiovisual cumpre dez anos. No último número da revista que edita,
Papeis da Academia, lembra os fitos desa década de traballo da man de membros das diferentes xuntas directivas desde a súa constitución en 2002. Canda esa revisión da súa propia traxectoria, documenta algunhas das actividades realizara este ano como o seu Foro ou os premios Mestre Mateo. Ademais, esta edición do disco As músicas da Academia céntrase en Piti Sanz e o seu traballo tanto en filmes (A noite que deixou de chover, 18 comidas…) series e programas de televisión no que ten participado..
Amplía a nova>>
27/09/2012
O Clúster Audiovisual Galego crea unha cota para as empresas máis novas
Co obxectivo de facilitar a adhesión de socios e tendo en conta que case a totalidade de empresas do sector son PEMES, o Clúster Audiovisual Galego acaba de crear a “cota emprendedor”. Trátase dunha modalidade de socio que lles permitirá ás novas empresas ter un prezo reducido na súa cota durante dous anos. A cota inicial (de carácter trimestral) será de 30 euros e irá incrementándose gradualmente ata igualar a do resto dos socios. Os requisitos para poder beneficiarse desta nova modalidade é que teñan domicilio social en Galicia e a súa data de constitución sexa inferior a dous anos da solicitude de adhesión ao CLAG..
Amplía a nova>>
27/09/2012
Comeza en Vigo a VI edición de Curtas na rúa
Curtametraxes con gran percorrido e repercusión por festivais internacionais agrupados en varias temáticas poderanse ver a partir de hoxe en Vigo no marco da VI edición de Curtas na rúa. A cita ábrese cunha escolma de traballos galegos á que seguirán tres días de proxeccións. Entre as novidades deste certame organizados pola Asociación de Comerciantes Zona Centro é que os sectores Rubén Darío e Iván Villamel foron os encargados de facer a selección do material. O festival exhibirá curtametraxes pero fará unha excepción para proxectar "Sempre Xonxa", a longametraxe de Chano Piñeiro no marco dunha retrospectiva sobre a súa figura..
Amplía a nova>>
