O Museo de Ribadavia estrea un ciclo de cine etnográfico

Proxeccións e coloquios conforman o esqueleto do ciclo Cine de Outono. Unha proposta que desenvolve o Museo Etnolóxico de Ribadavia desde un punto de vista etnográfico para achegarse a historia de localidades galegas. Ignacio Vilar, director do museo, é quen coordina esta mostra financiada pola Consellaría de Cultura e que parte con producións audiovisuais galegas. Milímetros, do director Xes Chapela e producida por Matriuska é a encargada de abrir esta proposta o vindeiro venres 5 de outubro (20:00 horas).

Os títulos escollidos por Ignacio Vilar para esta primeira aproximación da realidade e a sociedade galega, son todos recentes e moitos deles foron producidos en Galicia. Alén do título inaugural (que conta coa colaboración do Centro Galego de Artes da Imaxe (CGAI), da Federación de Cineclubes de Galicia e mais do Cinecuble Padre Feijoo) tamén se prosectará o documental A aldea. Entre o antigo e o novo, dirixido polo propio Ignacio Vilar e que foi a base do seu filme posterior Vilamor. Completa a programación galega, Volta á aldea, dirixida por Helena Villares.

O programa ten outro aparatdo denominado “Marxes fílmicas” que se desenvolverá en novembro e contará cos filmes Electroclass. Los materiales, Circo, El sol en el sol del membrillo e Ya viene, aguante, riégueme, mátame.

Con este xa son dous os ciclos de orientación etnográfica que se desenvolve en Galicia, xa que o Museo do Pobo conta cunha que cumpriu este mes de xuño sete edicións.