O IX Foro Territorios Patrimonio debate sobre a convivencia e a pluralidade de axentes na Ribeira Sacra

A nova edición do Foro Territorios Patrimonio celebrarase en Monforte de Lemos mañá martes 28 baixo o prisma da próxima resolución da candidatura da Ribeira Sacra a Patrimonio da Humanidade. De feito, a xornada reflexiona ao redor do estado da candidatura na actualidade da man do coordinador, Mario Crecente, e de Manuel Chaín, técnico da Dirección Xeral de Patrimonio Cultural. Ao tempo, a diferentes mesas incluirán a participación de axentes e expertos ao redor da relación entre o patrimonio cultural e sociedade. Deste xeito, a mesa Un territorio de patrimonios. Novas miradas e novos axentes contará coa presenza de directoivos e xestores culturais das provincias de Lugo e Ourense. A mesa "Paisaxes vivas, paisaxes da auga. Modelos de xestión de patrimonio da humanidade" reúne a Rubén Lois, catedrático de Xeografía da USC, Francisco Javier Sánchez, xefe de xardíns e bosques da Alhambra e Xavier Quintana, catedrático de Ecoloxía da universidade de Girona. A mesa "Comunidades vivas, patrimonio vivo. Paisaxes inmateriais" recolle a María José Yravedra, da adega Ronsel do Sil, Cristina de la Torre da Asociación Amigos de Manuel Jorge de Chantada, Juan Luis Méndez Rojo, da Adega Vía Romana e José Antonio Quiroga, do Museo etnográfico de Arxeriz. A xornada rematará cunha mesa de "Estratexias turísticas para o desenvolvemento dun territorio", na que participa Xosé Manuel Merelles, director de Turismo de Galicia, Marco Sousa, homólogo da rexión de Porto e Norte de Portugal e Jonathan Gómez, director de turismo do concello de Málaga.