O Foro Territorios Patrimonio reflexiona sobre os novos desafíos do turismo cultural

O Festival 17º Ribeira organiza o Foro Territorios Patrimonio 2020 co obxectivo de "visibilizar a candidatura e o escenario da Ribeira Sacra ante a selección de Patrimonio da Humanidade" e centrándose na "reactivación económica, os valores do territorio, o rural, o cambio climático e a sustentabilidade". O Foro Territorios Patrimonio inclúe mesas redondas coa participación de responsables políticos e xestores de entidades de turismo de diferentes ámbitos, xestores culturais, publicistas e responsables de empresas de marketing turístico. O evento pódese seguir en liña desde o seu web.