29/07/2014
Lois Patiño faise co premio da Mostra Gas Natural-Fenosa
Montaña en sombra un vídeo de catorce minutos é o traballo co que Lois Patiño obtiña onte o premio da 13ª Mostra Internacional Gas Natural Fenosa, dotado con 15.000 euros. Canda a el, foron galardoados Iñaki Gracenea por
Cahiers des fleurs-jax e José Ramón Ais pola composición
Parque Natural 2. En paralelo, o Concello da Coruña seleccionou para o premio Julián Trincado ao mellor autor galego a Álvaro Negro, que recibirá 6.750 euros por
Estela II. .
Amplía a nova>>
22/07/2014
Verán cultural en Ons
Algo acontece con Ons. Ao longo dos últimos dous meses viron a luz un libro electrónico, un documental, unha exposición e mais un disco que teñen o seu eixe nesta illa. A abundancia de propostas amosa o grande potencial cultural dunha zona ata o de agora pouco coñecida. .
Amplía a nova>>
17/07/2014
Xacio Baño participa no Festival de Cinema de Locarno
O prestixioso Festival Internacional de Cinema de Locarno, un dos eventos que califican para os Oscar, contará con presenza galega. A curta de non ficción
Ser e voltar, do galego Xacio Baño proxectarase no marco da sección Pardo di Domani. A curta de Baño amosa as tentativas do propio director de explicarlle aos seus avós en qué consiste o seu traballo no cinema..
Amplía a nova>>
14/07/2014
Monforte acollerá o seu primeiro festival de cinema fantástico
Con Narciso Ibáñez Serrador como padriño, Monforte acollerá entre os vindeiros 21 e 24 de agosto a primeira edición de Fancine de Lemos. O Festival de Cinema Fantástico nace da man do cineclub A Calexa e mais da produtora Amanita Films, e pretende amosar as mellores curtametraxes de xénero fantástico, de terror ou de ciencia ficción. Canda a estas obras, a primeira xeira dedícalle unha retrospectiva a Ibáñez Serrador, de quen se proxectarán os filmes
La Residencia e
¿Quién puede matar a un niño?..
Amplía a nova>>
26/06/2014
Cos cabalos nas aulas
Aproveitar os coñecementos e o interese dos alumnos polo mundo dos cabalos foi a base coa que o IES Terra de Turonio botaba a andar en 2003 o proxecto
Ceibes no monte. Logo de levar o premio Anton Fraguas, de crear un interesante web e de desenvolver un bo feixe de actividades con estes animais como eixe, a iniciativa continúa agora coa publicación dun libro-DVD que amosa a importancia do patrimonio do cabalo de monte galego..
Amplía a nova>>
23/06/2014
Revelación de segredos
Con ocasión da noite máis máxica do ano, recuperamos o proxecto
Palabras Secretas. A xornalista Ana Lois compila neste proxecto os saberes tradicionais para curar, enmeigar e desenmeigar. Unha impresionante colección de vídeos que están dispoñibles na rede e que, asegura, irán a mais..
Amplía a nova>>
16/06/2014
Mundos Dixitais volta á Coruña en xullo
Animación, videoxogos, efectos especiais ou arquitectura. Os encontros Mundos Dixitais voltan a Palexco, na Coruña entre o 3 e o 5 de xullo vindeiros. O coñecido foro internacional contará coa presenza de destacados profesionais destes sectores como Christopher O'Really, Daniel M. Lara, Tony Micilotta, Paul Debevec ou Mike L. Murphy entre outros. Ademais, presentarase proxectos como o novo filme de animación sobre Mortadelo e Filemón ou as innovacións que se desenvolveron en producións como
Gravity ou a última entrega de
X-Men..
Amplía a nova>>
11/06/2014
Compostela acolle a estrea de Encallados
Unha ollada desde a comedia ao sector audiovisual galego a partir da tentativa de elaborar un filme sobre o Prestige. O Salón Teatro de Compostela acolle o vindeiro venres a estrea de
Encallados, un filme de Alfonso Zarauza rodado en branco e negro con película de 16 mm. Xulio Abonjo no papel de Alfonso, Federico Pérez como Pato, Ricardo de Barreiro a interpretar a Andy e Farruco Castromán como Farruco protagonizan o proxecto, que xa foi galardoado en tres categorías na última edición dos Premios Mestre Mateo. O filme proxectarase en dúas sesións dobres o vindeiro venres 13, ás 19.00 e ás 22.00 horas, e sábado 14, ás 20.00 e ás 22.00 horas. Para o dez de xullo está prevista unha proxección no Teatro Colón da Coruña coa presenza dos actores música en directo..
Amplía a nova>>
09/06/2014
Fran Araújo gañou o premio de longametraxes do Primavera do Cine
Cun chamamento a que as institucións apoien o festival e garantan a súa continuidade fechaba na noite de onte a terceira edición do festival Primavera do Cine en Vigo. A gala de feche acolleu tamén a entrega dos premios do evento, seleccionados polo público asistente. Así,
El Rayo de Fran Araújo obtivo o galardón á longametraxe, mentres
Tupper de Ángel Manzano foi escolleita como mellor curta e
Wilda de José Araújo impúxose na categoría de videoclips. A organización salientou a alta puntuación media que obtiveron todos os filmes que se proxectaron no marco do festival..
Amplía a nova>>
03/06/2014
O Museo do Pobo acolle a 9 Mostra de Cinema Etnográfico
Artesanía irlandesa, emigración e faros galegos, mulleres en Serra Leona ou funerais no Camerún son algúns dos temas que se abordan nos filmes que se proxectan desde hoxe e ata o vindeiro 8 de xuño na novena Mostra de Cinema Etnográfico. O Museo do Pobo organiza e acolle este evento, que conta cun total de catorce producións divididas nas seccións Carlos Velo, Espiello e Sundance Short Film. O ciclo abre esta tarde coa proxección de
En calquera lugar. Entre cá e lá, de Xes Chapela. Outras propostas galegas que se inclúen no programa son
A mesma terra ou
Torreiros..
Amplía a nova>>
