13/04/2015
Os Fenómenos triunfa nos Premios Mestre Mateo
Os Fenómenos, cun total de 4 premios, triunfa na XIII Edición dos Premios Mestre Mateo, uns galardóns que recoñecen as mellores producións do audiovisual galego e premian o traballo dos profesionais máis destacados do sector. Un total de 111 obras que se estrearon en 2014 optaron a estes galardóns, das que once son longametraxes, con tres de animación, dezasete documentais, cinco series, sete series web, vinte programas de televisión, dezaoito curtametraxes, dezaseis anuncios publicitarios e dezasete videoclips.
.
Amplía a nova>>
13/04/2015
Once empresas galegas participan no MIPTV de Cannes
A presenza galega no MIPTV de Cannes, considerado o principal mercado de produtos televisivos de Europa, medra este ano. Se nas últimas edicións era un máximo de oito as produtoras do país presentes no evento, nesta xeira cóntanse once firmas galegas nesta feira. Areca Films, Bambú Producciones, Ficción Producións, Filmanova, Frida Films, Intuitive Productions, Maruxiña Films, Portocabo, Somadrome, Voz Audiovisual e Zenit Televisión representan o noso audiovisual no mercado baixo a marca Films from Galicia dentro do pavillón español..
Amplía a nova>>
09/04/2015
Dosier: Patrimonio audiovisual
Unha colección de filmes caseiros realizados nos anos 30 polo fotógrafo da Guarda Joaquín García Portela. Este é o legado que recentemente chegou ás mans do Proxecto Socheo, que recupera o patrimonio audiovisual do Baixo Miño, da man das netas do fotógrafo. Entre as imaxes atópanse filmacións de festas populares, traballos do campo e do mar e mais escenas familiares. Agora, os responsables de Socheo solicitan apoio para conseguir a dixitalización e conservación deste material. .
Amplía a nova>>
08/04/2015
AGADIC convoca as axudas ao talento audiovisual
Trece proxectos repartirán os 145.000 euros das subvencións para a promoción do talento audiovisual galego. O Diario Oficial de Galicia publica hoxe a convocatoria da Axencia Galega das Industrias Culturais, que mantén a contía do pasado ano. As subvencións distribuiranse entre as dirixidas á escrita de cinco guións (25.000 euros), a produción de cinco curtametraxes (30.000 euros) e a realización de tres longametraxes por directores noveis (90.000 euros). Como novidade, e a atender propostas do sector, poderán presentarse á convocatoria creadores que xa recibisen a axuda o pasado ano. Os interesados teñen ata o oito de maio para presentar a súa solicitude..
Amplía a nova>>
27/03/2015
Seis eventos audiovisuais repartirán as axudas de AGADIC
O Play-Doc de Tui é o evento audiovisual que recibirá este ano máis apoio das axudas da Axencia Galega das Industrias Culturais para festivais deste tipo. En total, o encontro de documentais contará con 23.820 euros dos 90.000 que a AGADIC destina a estes fins. O Festival de Cans, con 22.196, é a segunda cita que recibe maior apoio, mentres S8, a Mostra de Cinema Periférico da Coruña, recibirá 18.542 euros desta liña de axudas. O veterano Cineuropa, de Compostela, con 17.463 euros, o Freakmacine da Coruña (4.925) e mais as Xociviga do Carballiño (3.052) son os outros eventos beneficiados por esta liña de axudas..
Amplía a nova>>
26/03/2015
A sección oficial do Carballo Interplay reúne 43 webseries
Un total de 43 webseries, 20 do estado, 18 Internacionais e 5 galegas competirán na sección oficial do II Carballo Interplay. O festival dedicado ás producións para a rede celebrarase entre o 16 e o 18 de abril vindeiros co dúo Venga Monjas como convidados estrela. Clases maxistrais de Joan Carles Martorell e Belén Santa-Olalla no ámbito dos coloquios profesionais, e Poetarras, Igmig e RDA a cargo dos concertos nocturnos son outras das actividades previstas. Entre as novidades para este ano, destaca a posta en marcha dun proxecto de recuperación da memoria audiovisual local en colaboración co Proxecto Socheo. .
Amplía a nova>>
24/03/2015
Fely Manzano recibirá o Mestre Mateo de Honra
O seu "amplo labor no mundo escénico" e o "traballo realizado no audiovisual galego desde o seu mesmo inicio" valéronlle á actriz Fely Manzano o recoñecemento da Academia Galega do Audiovisual. Manzano recibirá o vindeiro 12 de abril o premio de Honra dos Mestre Mateo no transcurso da gala dos premios do noso audiovisual. A intérprete é coñecida polo grande público pola súa presenza en series como
Pratos Combinados,
Fíos ou
A vida por diante ou filmes como
Urxa,
A lingua das bolboretas,
Lena ou
La rosa de Alejandría. Ademais, ten participado en múltiplas curtametraxes e posúe unha ampla experiencia no ámbito teatral..
Amplía a nova>>
23/03/2015
A fenda do proxector
O pasado mércores abría en Compostela NUMAX, a primeira sala privada dedicada ao cinema independente do noso país. Unha proposta arriscada e anovadora, que chama a recuperar a experiencia do cinema no centro das cidades, con horarios diferentes e fóra da corrente principal de estreas de Hollywood. A iniciativa desenvólvese nun contexto no que semella que están a coller forza, tanto dentro como fóra do noso país, as vías alternativas para exhibición en salas..
Amplía a nova>>
17/03/2015
Cans recoñece a Javier Gutiérrez co seu Pedigree
A asociación Arela, que organiza cada ano o Festival de Cans, acordou homenaxear co seu premio Pedigree o actor Javier Gutiérrez en "recoñecemento á súa traxectoria e tamén á súa constante capacidade de traballo". Ademais, outorgoulle os galardóns Pepe Puime, antigos Chimpíns de Prata, ao director Alfonso Zarauza pola "gratitude a lealdade que o cineasta lle amosa ano tras ano ao festival", e mais ao carpinteiro e veciño de Cans Juan Maceira como un agradecemento á súa implicación continua na organización do evento..
Amplía a nova>>
17/03/2015
Abre en Compostela NUMAX, a nova sala independente de cinema
Nubes pasaxeiras de Aki Kaurismäki sera o filme co que abrirá mañá, ás 12 da mañá en Compostela, NUMAX, unha nova sala dedicada ao cinema independente. A proxección, nunha sesión de portas abertas, suporá a estrea internacional da versión restaurada e dixitalizada do título. O proxecto, nado da man dunha cooperativa e cun amplo apoio social que o avalou economicamente, ofertará unha programación diaria de cinco sesións entre martes a domingo. A carteleira estará composta tanto por estreas de cinema independente difícil de atopar noutras salas, como por clásicos rescatados e por proxectos de autores pouco coñecidos. Todas as proxeccións será en versión orixinal con subtítulos..
Amplía a nova>>
