16/03/2015
Galaxia abre a súa colección Libro cinema
Logo da explosión de libros-CD dos últimos anos, a nosa industria editorial dá un paso alén. Galaxia acaba de presentar a súa colección
Libro cinema, que arrinca con
A cicatriz branca de Margarita Ledo Andión. O filme achega o DVD con subtítulos e extras acompañado de textos que contextualizan e explica diferentes aspectos desta produción. O filme trata, a través dunha historia persoal, a problemática da emigración das mulleres galegas en solitario a América durante o século XX..
Amplía a nova>>
13/03/2015
A AGADIC mantén o seu apoio aos cineclubes
O director da Axencia Galega das Industrias Culturais, Jacobo Sutil, e o presidente da Federación de Cineclubes de Galicia, Manuel Precedo, asinaron onte o convenio polo que as dúas entidades renovan a súa colaboración en 2015. En concreto, a AGADIC achegará unha partida de 24.000 euros destinados a financiar as actividades das entidades integradas na Feciga. Desde os cineclubes comprométense a realizar ciclos e semanas temáticas de cinema nunha ducia de localidades do país, cunha especial atención á produción galega. A contía do convenio é a mesma desde que comezou esta colaboración, en 2012..
Amplía a nova>>
13/03/2015
Play Doc presenta a súa sección oficial
Sete filmes competirán na XI edición do Play Doc. O festival de documentais que se celebrará en Tui entre o 22 e o 26 de abril presentaba onte a súa sección oficial. Entre as participantes, destaca a presenza de catro filmes de directoras novas, Talena Sanders, Soon-Mi Yoo, Maureen Fazendeiro e Amanda Rose Wilder, que competirán con traballos de J.P. Sniadecki, Fernand Melgar e Göran Hugo Olsson. O evento puxo en marcha tamén a convocatoria para que os interesados poidan contribuír económicamente á organización do festival, e ten aberto o prazo de inscrición para o seminario Crítica e Programación, que organiza en colaboración coa revista A Cuarta Parede..
Amplía a nova>>
11/03/2015
A esmorga concentra 16 candidaturas aos Premios Mestre Mateo
A Academia Galega do Audiovisual daba a coñecer onte a listaxe de candidaturas aos XIII Premios Mestre Mateo. Na listaxe destaca de xeito particular unha produción,
A esmorga. O filme de Ignacio Vilar acumula nada menos que 16 nominacións dun total de 25 categorías, entre elas as de mellor filme, mellor dirección, mellor guión, e interpretación masculina. A este proxecto ségueo
Os fenómenos, de Alfonso Zarauza, que tamén opta a mellor filme, dirección ou guión, entre outros. Compite con elas nos apartados de dirección, guión ou dirección de fotografía a serie
Serramoura.
Schimbare, candidata a oito categorías é a seguinte produción con máis opcións..
Amplía a nova>>
09/03/2015
Cambre anímase co seu novo festival de cinema
Amosar, en formato cinema, obras mestras da animación de todos os tempos e promover a produción galega neste eido. Estes son os eixes básicos cos que nace Cambretoon, o festival de animación que se celebra por vez primeira entre os vindeiros 19 e 21 de marzo. Co lema
Do pincel ao pixel, a cita presta unha especial atención a difundir proxectos pioneiros da animación e facelo en formato película de cinema. Así, nesta primeira xeira poderán verse clásicos como
Gertie, the Dinosaur, de Windsor McKay,
Fantasmagorie de Émile Cohl ou algunhas das primeiras animacións de Walt Disney, como
Alice in the Jungle ou
Hell´s Bells..
Amplía a nova>>
02/03/2015
Abren as convocatorias para festivais e desenvolvemento audiovisual
Poucos días depois de anunciar os orzamentos das súas liñas de axudas, a Axencia Galega das Industrias Culturais comezou a realizas as correspondentes convocatorias. O Diario Oficial de Galicia do pasado venres recollía a liña de axudas a festivais, dotada con 210.000 euros para eventos dedicados á música e 160.000 para os de artes escénicas. O prazo de presentación para os interesados remata o vindeiro 27 de marzo..
Amplía a nova>>
27/02/2015
A CRTVG pon en liña as súas series
Desde Mareas Vivas a
Serramoura, a pasar por
Matalobos,
Padre Casares ou Pratos
Combinados. A Compañía de Radio Televisión de Galicia acaba de presentar Enserie.gal, un espazo web no que recolle unha selección das 17 series con máis repercusión das producidas e emitidas por esta canle. Aínda que o proxecto estreará en marzo a súa visión definitiva, xa se poden consultar os capítulos, participar nas votacións para escoller as mellores producións ou acceder a contidos especiais como making of, curiosidades, reportaxes ou novas. O web inclúe tamén un blog que achegará a actualidade sobre as series do país..
Amplía a nova>>
24/02/2015
Unha curta galega sobre discapacidade obtén premios en España e Canadá
O vilagarcián Fran Estévez dirixiu
Idiotas, unha curtametraxe protagonizada por un mozo con discapacidade que está a conseguir importantes recoñecementos fóra do noso país. Así, no pasado mes de novembro se facía co premio ao mellor filme e ao mellor actor no festival madrileño FECIDISCOVI da Funcación Anade, centrado en obras dedicadas á discapacidade. Agora, o Picture This Film Festival de Canadá acaba de recoñecer o traballo cos galardóns
Drama over 10 minutes e
Best of festival. Ademais, o filme foi seleccionado para participar no Ariano Film Festival en Italia..
Amplía a nova>>
23/02/2015
A AGADIC anuncia tres liñas de investimento en industrias culturais
O Consello Reitor da Axencia Galega das Industrias Culturais deu a coñecer o pasado venres a contía de tres das liñas de investimento que mantén en industrias culturais. En concreto trátanse das axudas destinadas á produción escénica, aos festivais de artes escénicas e de música e mais ao desenvolvemento de proxectos audiovisuais. .
Amplía a nova>>
18/02/2015
Alex Sampaio volta premiado do Festival de Cine Independente de Berlín
Schimbare, o filme dirixido por Álex Sampayo acadou esta fin de semana o galardón á Mellor película internacional no Festival de Cine Independente de Berlín. O traballo de Sampayo exhibirase proximamente noutros eventos internacionais como o Jozi Film festival de Johannesburgo (19 a 22 febreiro), o Sedona International Film Festival de Arizona (21 feb a 2 marzo), o Byron Bay Independent Film Festival de Australia (6 a 15 de marzo), o Atlanta Film Festival (20 a 29 de marzo), e mais o Chicago Latino Film Festival (9 a 23 de abril). .
Amplía a nova>>
