08/02/2016
Galicia volve dos Goya con dúas estatuíñas
Os filmes galegos volveron dos Premios Goya que se entregaron o pasado sábado con só dous dos dez galardóns aos que optaban. Foi a longametraxe
El desconocido, de Vaca Films, a que obtivo as estatuíñas, en concreto a de mellor son, que foi para Nacho Arenas, Jaime Fernández e o galego David Machado, e mais a de mellor montaxe, que recoñeceu o traballo de Jorge Coira. O filme aspiraba nesta edición dos premios do cinema español a premios noutras seis categorías..
Amplía a nova>>
03/02/2016
Os escritores cinematográficos recoñecen a Dani de la Torre e a Jorge Coira
O Círculo de Escritores Cinematográficos entregaba onte a súas medallas anuais nunha gala que fai a edición 71 destes galardóns. Desta volta, dous dos premios tiveron nome galego, ao abeiro do filme
El desconocido. En concerto, o monfortino Dani de la Torre fíxose co premio ao mellor director revelación, mentres Jorge Coira foi recoñecido polo seu traballo na montaxe desta mesma película.
El desconocido compite a vindeira fin de semana polos Premios Goya, para os que acumula oito candidaturas..
Amplía a nova>>
02/02/2016
Quiosco: Papeis da Academia
A Academia Galega do Audiovisual presentou o seu anuario, que desta volta introduce importantes novidades. A primeira é que se editará en formato electrónico e a segunda, é que aspiran a convertelo nunha publicación con máis frecuencia: "Queremos que deixe de ser un anuario: pretendemos que non sexa unha publicación que sae unha vez ao ano, queremos que os novos papeis da Academia cheguen a académicxs e ao noso público, ao longo de todo o ano, con reflexións, estudos e diagnoses dos tempos que vivimos". Ademáis inclúe dúas reportaxes de Montse Dopico: "O audiovisual galego, lonxe da igualdade de xénero" e "A dobraxe: un sector cos pés de lama", un calendario de eventos audiovisuais en Galicia e unha escolma sonora do traballo do compositor de bandas sonoras Xavi Font.
.
Amplía a nova>>
02/02/2016
Medra a presenza internacional do audiovisual galego
A Axencia Galega das Industrias Culturais presentaba esta mañá no Salón Teatro de Compostela o seu plan 2016 para a proxección exterior do audiovisual galego co apoio do Igape e a colaboración do Clúster Audiovisual Galego. O proxecto concrétase polo momento nun reforzo da presenza das nosas empresas en mercados internacionais e na renovación dos catálogos das marcas
Films from Galicia e
Shorts from Galicia. Deste xeito, as produtoras galegas poderán asistir este ano, con apoio da Xunta, a nove mercados internacioais de dereitos audiovisuais. O calendario arrinca este oito de febreiro co Festival Internacional de Curtametraxes de Clermont-Ferrand e continúa entre o 11 e o 19 no European Film Market de Berlín. O MIPTV, o Marché du Film e o MIPCOM (todos eles en Cannes), así como o MICSUR de Bogotá e o Ventana Sur de Bos Aires son outras das citas xa habituais para o sector..
Amplía a nova>>
01/02/2016
Os Premios Mestre Mateo e María Casares desvelan as súas candidaturas
Comeza a recta final para a XIV edición dos Premios Mestre Mateo do audiovisual galego e mais para os XX Premios de Teatro María Casares. A Academia Galega do Audiovisual, que organiza os primeiros, e a Asociación de Actores e Actrices de Galicia, responsable dos últimos, deron a coñecer as candidaturas que agora se someterán a votación para determinar os finalistas e, en última instancia, os premiados das dúas citas. No caso dos Mestre Mateo, compiten 146 producións, 159 produtoras e 518 profesionais nun total de 28 categorías. Os gañadores daranse a coñecer nunha gala que se celebrará na segunda semana de abril no Pazo da Ópera da Coruña..
Amplía a nova>>
13/01/2016
O Festival de Cans abre convocatoria
Os interesados en participar no XIII Festival de Cans teñen ata o vindeiro 4 de marzo para presentar a concurso as súas curtametraxes e videoclips. A Asociación Arela, que organiza o evento, abría onte a convocatoria deste ano, para a que incrementa ata 6.200 euros a contía total dos premios. Deste xeito, o Premio do xurado á mellor curta chega aos 2.000 euros, 500 máis do que na anterior xeira. Ademais presentouse un novo web para o evento que rescata o arquivo audiovisual do festival e pon a disposición do público preto de 40 horas de vídeo. A vindeira edición do festival celebrarase entre o 18 e o 21 de maio de 2016..
Amplía a nova>>
28/12/2015
A AGADIC convoca catro liñas de axudas á industrias culturais
No medio das festas, a Axencia Galega das Industrias Culturais acaba de facer pública a convocatoria de catro das súas liñas de axuda para 2016, para as que destina un total de 920.000 euros. En concreto, son as subvencións á produción escénica, ás salas privadas, á promoción do talento audiovisual e aos festivais cinematográficos as que abre os seus prazos. Destas, incrementan a súa contía un 16 por cento os apoios aos festivais de cinema, que repartirán un total de 105.000 euros. Manteñen as súas contías as liñas destinadas a apoiar o talento audiovisual, con 145.000 euros, as de produción escénica, que fican con 600.000 e as orientadas a salas escénicas privadas, que repartirán 70.000 euros..
Amplía a nova>>
18/12/2015
O LAV convoca os seus obradoiros para 2016
Ata o vindeiro 31 de xaneiro está aberto o prazo de inscrición para a vindeira edición do LAV de Vedra 2016. A oferta de cursos de formación audiovisual do evento inclúe este ano propostas sobre realización de videoclips, escritura de guión de longametraxe, interpretación para a televisión, creación audiovisual en tempo real, sonorización de eventos, son "do low cost ao cinematográfico", "Kung fu fotográfico" e dirección de actores e actrices. Ademais, e como xa é habitual, haberá tamén actividades para os máis novos de balde. A vindeira edición deste laboratorio audiovisual desenvolverase entre o 13 e o 14 de febreiro..
Amplía a nova>>
14/12/2015
El desconocido acada oito nominacións aos Goya
A película galega
El desconocido acadou oito nominacións aos premios Goya 2016. As nominacións corresponden a mellor guión orixinal e mellor interpretación masculina protagonista (Luís Tosar).
El desconocido é a opera prima do director monfortino Dani de la Torre e está producida por Vaca Films, entre outros. .
Amplía a nova>>
10/12/2015
Nace o web Novo Cinema Galego
Acaba de saír ao público Novo Cinema Galego, un web que quere compilar producións audiovisuais que se afastan dos criterios comerciais e apoiar a investigación desta tendencia creativa. Segundo anuncia, a páxina "ten a prioridade de servir como base de datos e punto de encontro na rede de todas aquelas maneiras de entender o cinema de xeito diferente ao tradicionalmente establecido. Este arquivo pretende dar conta de cineastas e creacións fílmicas incardinadas na Galiza, que teñen como denominador común a disidencia cos procesos institucionalizados do cinema". Ademais de artigos e documentación, no web poden atoparse fichas de máis de cen filmes que se adscriben a este movemento. O proxecto está promovido por Álex Bragaña, Xurxo González, Beli Martínez, Alberte Pagán e Bárbara Primo aínda que se declara aberto a colaboracións.
.
Amplía a nova>>
