Novas ||| AVG ||| AudioVisual Galego

<< Anterior Siguiente >>

06/10/2005
A decima edición do Cine de Ourense homenaxeará a Imanol Arias

As novas sobre a décima edición do Festival de Cine de Ourense (12-19 de Ourense) chegan pouco a pouco. Hoxe sábese que o cuarto premio Especial do Concello irá para Imanol Arias, que estará na cidade o día 13 de novembro para recoller o galardón. Esta edición tamén contará con outra cara coñecida do cine español, Luís García Berlanga, que asistirá como convidado pola organización. No apartado “Cine e emigración”, os homenaxeados son os irmáns Bilbatúa, Demetrio e Anxo, que emigraron moi novos a México onde realizaron traballos documentais.

Máis información en La Región e no web do Festival de Cine de Ourense

. Amplía a nova>>

05/10/2005
O Ministerio de Cultura presenta uns orzamentos no que os museos, as artes escénicas e o cinema levan o 70% dos cartos

Os máis de seiscentos cincuenta millóns que o Ministerio de Cultura agarda investir no 2006 irán destinados na súa maior parte a museos e conservación de patrimonio, desenvolvemento de artes escénicas e apoio ao cinema. Un total do 70% das partidas levarán este destino, e 2’6 millóns de euros serán transferidos directamente ás autonomías con destino á adquisición de fondos para as bibliotecas públicas. Entre as medidas que quere promover este organismo para o vindeiro exercicio, a ministra Carmen Calvo anunciou que se está a negociar a posibilidade de que as empresas que invistan en cinema poidan desgravar ata un vinte por cento.

Máis información en La Opinión e en El País

. Amplía a nova>>

05/10/2005
Cultura e a Mesa achegan posturas para converter o audiovisual como vehículo de normalización lingüística

Aínda que a dirección xeral de Comunicación Audiovisual depende de Presidencia mantén un unha “colaboración continua” con outras consellarías. Tendo en conta esta característica, a Mesa pola Normalización reuniuse onte coa Conselleira de Cultura para presentarlle unha serie de medidas que pretenden facer do audiovisual un vehículo de normalización lingüística. Entre elas figuraban esixir que dez filmes de éxitos sexan exhibidos nas salas de cine, peticións coas que a conselleira Ánxela Bugallo se amosou de acordo. Non foi a única novidade para o audiovisual galego, xa que estes días chegan ás carteleiras varias coproducións galegas, por unha banda “O desenlace” de Juán Pinzas (venres 7) e, pola outra “Sin fin” do coruñés Carlos "Pocho" Villaverde (martes 18).

Máis información sobre a xuntanza entre Carlos Callón e Ánxela Bugallo no web de A Mesa pola Normalización e sobre “Sin fin” en La Voz de Galicia e sobre “O desenlace” na súa ficha. Amplía a nova>>

03/10/2005
Continental e Caixa Galicia crean unha empresa de publicidade con tecnoloxía dixital

Impulso TV é o nome da nova compañía publicitaria con capital integramente galego. A Corporación Caixa Galicia e Continental Producións son as encargadas de poñer en marcha este proxecto no que Softgal se encargará do desenvolvemento da plataforma tecnolóxica do proxecto, ademais de ofrecer servizos de asesoramento e soporte. A presentación oficial do proxecto terá lugar este martes no Centro On de Caixa Galicia.. Amplía a nova>>

03/10/2005
Filmanova presenta dúas producións que guionizarán os escritores Paul Auster e Barry Giffor

“O país das ultimas cousas” e “Portovero” son os últimos proxectos nos que está a traballar Filmanova Invest. Comezarán a rodarse en maio e xa contan cunha serie de nomes no proxecto. Para o primeiro, que dirixirá o arxentino Alexandro Chomski colaborará Paul Auster que adaptará ao cine a súa novela homónima. Para o segundo proxecto, que ten previsto a súa rodaxe en Vigo e Zurich, colaborará outro escritor con experiencia cinematográfica, Bary Gifford. Ademais, esta semana chegará ás carteleiras “O desenlace” a última entrega da triloxía Dogma rodada por Juan Pinzas. Unha produción que se preestará mañá en Compostela e que chega avalada por unha serie de premios, entre os que destaca o Premio Especial do Xurado do Festival de Cine Latino de Nova York.

Máis información sobre Filmanova e Juan Pinzás en AVG . Amplía a nova>>

03/10/2005
As emisoras municipais emiten programación conxunta e Virxilio Costas é o novo director da Radio Galega

Hoxe é un día destacado para os radiooíntes. Por unha banda porque as Emisoras Municipais Galegas estrean unha programación que, por primeira vez, implica ás dez emisoras destas características. Belén Regueira e Tomas Lijó conducirán “Entrada libre” que combina contidos musicais, con axenda cultural, entrevistas e conexións con galegos no exterior. E, polas trades Leo Toral fará un percorrido pola información de diferentes localidades a través de correspondentes. Por outra banda, Virgilio Costas é o novo director da Radio Galega desde este sábado. Ademais, esta fin de semana Benigno Sánchez tomou posesión do seu cargo como director xeral da CRTVG.

Máis información sobre a programación conxunta das Emuga en Vieiros e sobre o novo director da Radio Galega en Xornal.com . Amplía a nova>>

30/09/2005
O Consello da Xunta confirma o nomeamento de Benigno Sánchez como director da CRTVG

Agora si. O Consello da Xunta corroborou que Beningo Sánchez é o novo director xeral da CRTVG. Non foi o único decreto que aprobou o goberno galego na súa reunión semanal para o ente público, xa que tamén deu a coñecer o novo director económico da CRTVG, Manuel Lago. O contable é economista e analista de CCOO e dirixiu o Gabinete de Estudos do Sindicato. Tan pronto se fixo público o nomeamento, outro sindicato, o de xornalistas emitiu un comunicado solicitando ao novo director que renove o contrato dos case 100 traballadores que foron ou serán despedidos ao longo deste mes e instou a que reduza as taxas de persoal eventual no plantel.

Máis información no Consello da Xunta (en pdf)

. Amplía a nova>>

29/09/2005
O Consorcio Audiovisual e Unifrance traen a Galicia a obra do carballinés José García

José García naceu en O Carballiño, pero aquí é un descoñecido. Ou polo menos ata o de agora. Desde hoxe o Consorcio Audiovisual de Galicia e Unifrance, organismo encargado de difundir o cine francés polo mundo, organizan en Santiago e A Coruña un ciclo de cine para homenaxear a súa carreira. Porque José García é un actor reputado e recoñecido na cinematografía francesa, onde fai dúas ou tres películas anuais e onde vive desde que os seus pais emigraron. Neste ciclo de cine proxectaranse as películas máis destacadas da súa filmografía. Non será a única actividade prevista, xa que mañá recibirá a medalla de Ouro da súa localidade natal.

Máis información no web do Consorcio do Audiovisual . Amplía a nova>>

28/09/2005
A Academia Galega do Audiovisual aprobou un manifesto nunha grande asemblea con representantes do sector e do mundo da cultura

A creación dun organismo único que articule todos os sectores implicados no audiovisual e que organice a política audiovisual do goberno é unha das solicitudes que a Academia Galega do Audiovisual lle fará chegar á Xunta. A asemblea que esta entidade convocou na tarde de onte en Compostela acordou redactar un manifesto que se lle fará chegar ao Goberno galego e que aborda tamén cuestións coma a necesidade de reorganizar a política de axudas ou creación da segunda canle da TVG. No encontro e na redacción deste texto participaron representantes dos máis diversos campos da cultura, asociacións empresariais, delegados do ensino universitario e outras institucións culturais, coma o Consello da Cultura.

Máis información no web da Academia Galega do Audiovisual

. Amplía a nova>>

22/09/2005
Javier Fesser faise co premio do público do festival Curtocircuíto de Compostela

Durante este verán as rúas de Compostela exhibiron curtametraxes dentro do festival Curtocircuíto. E o público acaba de concederlle a Javier Fesser o premio, dotado con 1.500 euros polo seu traballo “Binta e a gran idea”. O premio será entregado no marco do festival que terá lugar do 18 ao 22 de setembro na capital de Galicia.

Máis información no web do certame . Amplía a nova>>

Novas | 3761 a 3770 de 4285

<< Anterior Siguiente >>

<< Anterior Siguiente >>