Novas ||| AVG ||| AudioVisual Galego

<< Anterior Siguiente >>

19/02/2007
O director da TVG anuncia que a segunda canle do ente público en 2008

Malia que se apuntou o 2006 como o ano no que entraría en marcha a segunda cadea da Televisión de Galicia, non será ata o 2008. Así o considera o director da TVG, Suso Iglesias, nunha entrevista publicada este domingo no “Faro de Vigo”. Ademais, Iglesias apuntou que o proxecto do modelo está a se redactar pero que a intención é a especialización de contidos infantís, xuvenís e culturais.. Amplía a nova>>

16/02/2007
Galicia terá unha oficina para promover a televisión interactiva

A Fundación R e o Clúster Audiovisual Galego veñen de asinar un convenio que permitirá crear unha oficina que promova a televisión dixital interactiva en Galicia. Cun orzamento de 23.000 euros o seu cometido é ofrece asesoramento especializado as empresas audiovisuais que estean interesadas en fornecer de contidos interactivos ás canles televisivas dixitais. Ademais, esta entidade contará cun oco no sitio web desenvolvido polo Clúster no que as empresas poderán facer as propostas e suxestións que precisen.

Máis información no web do Clúster

. Amplía a nova>>

15/02/2007
Os profesionais reunidos pola SGAE avogan pola lei pero manifestan a súa preocupación polo control da piratería

Acaba de rematar en Córdoba o I Encontro de Creadores Audiovisuais de Córdoba que organizou a Sociedade Xeral de Autores (SGAE) para analizar a nova lei do cine. Entre as conclusións dos participantes neste encontro destaca a boa acollida do borrador presentado polo departamento que dirixe Carmen Calvo. Agora ben, expresaron a súa preocupación polo sistema de vixianza do cumprimento do canon, pola piratería e puxeron especial énfase na necesidade de reforzar a formación audiovisual e a coordinación das acciones de promoción exterior.

Máis información no web do SGAE

. Amplía a nova>>

15/02/2007
Escolares realizarán dúas curtametraxes dentro dun programa para inculcar a solidariedade

Curtametraxes para orientar e fomentar o concepto da solidariedade. Este é o obxectivo que permanece de fondo no proxecto “Oleiros Solidario” que organiza o Servizo de Voluntariado do departamento de Servizos Sociais. Un programa que conta xa con tres edicións e que está destinado a escolares de primeiro e segundo de ESO e primeiro de Bacharelato. Os escolares realizarán primeiro os guións dos que se seleccionarán dous que serán os que se realicen.

Máis información en El Ideal Gallego . Amplía a nova>>

15/02/2007
O Concello de Vigo chega a un acordo para conseguir prezos reducidos nas entradas de cine para xubilados

Os xubilados do concello de Vigo poderán ir ao cine na cidade pola cantidade testemuñal dun euro. Este foi o acordo ao que chegou o Concello cos cines da cidade dentro do seu programa municipal de ocio para a terceira idade. . Amplía a nova>>

15/02/2007
As microcurtas e os traballos gravados co móbil son as principais novidades do II Certame Curtas na Rede

A Dirección Xeral de Comunicación Audiovisual (DXCA) acaba de convocar a segunda edición de “Curtas na Rede”. Un programa de fomento da curtametraxe que conta con varias novidades: ábrese á participación da comunidade galega no exterior e crea as categorías de micromovies (inferiores a 30 segundos) e de traballos creados co teléfono móbil. As curtas subiranse ao portal de internet que mantén a DXCA, estarán divididas en tres categorías en función das idades e optarán a catro premios de 1.500 euros.

Máis información no web de Curtas na Rede, en La Voz de Galicia, Galicia Hoxe, na canle Mais Alá de Vieiros e na nosa hemeroteca

. Amplía a nova>>

14/02/2007
O galego Davíd Martínez será o director de ficción de Televisión Española

Despois de que o pasado 15 de xaneiro tomara posesión do seu cargo o novo presidente da Corporación RTVE, Luis Fernandez, continua aberto o proceso de cambio, promoción e renovación da compañía. Entre os cambios anunciados hoxe figura nome dun galego entre os postos directivos. É o do avogado galego David Martínez que se converte no novo director de ficción da corporación á que chega despois de ser director xeral de “Voz Audiovisual” e “Filmanova”.

Máis información no web da corporación RTVE

. Amplía a nova>>

14/02/2007
O festival de documentais de Tui presenta a terceira edición reforzando as súas actividades paralelas

A terceira edición de Play Doc xa está en marcha. E este ano, en palabras dun dos seus directores, Anxo Sánchez, pretende “combinar proxección de documentais coa materialización da realidade que se ve nas pantallas”. Por iso, ademais de manter a estrutura do festival (sección oficial de curtas, longas e unha informativa sobre as producións deste xénero no noso país), reforza as actividades paralelas. De todas as que están previstas destacan dúas: a presenza dun dos artistas máis representativos da arte e activismo, Ron English e da outra a celebración de concertos a cargo dalgún grupo que estea representado no festival cun documental. Este ano o plato estrela é “Mostar Sevdah Reunion” que ofrecerá un concerto que recollerá o ambiente sonoro que se recolle un documental que defende a tese da superación do conflito dos Balcáns a través da música.

Máis información no web de Play Doc

. Amplía a nova>>

14/02/2007
A tradición cinematográfica de Pedro Costa chega hoxe ao Cineclube Compostela

Esta noite (22:00 horas, no local social “O Pichel”), o Cineclube Compostela proxecta o filme realizado en 1997 polo director portugués Pedro Costa“Ósos”. Un traballo que está protagonizado pola mesma xente que tres ano despois recollería “No quarto da Vanda” e mais recentemente, “Juventude em marcha”. Con esta produción ábrese un novo ciclo que emitirá os traballos de Danièle Huillet e Jean-Marie Straub.

Máis información en Vieiros e no blog do Cineclube Compostela . Amplía a nova>>

14/02/2007
Os técnicos do audiovisual únense nunha sociedade para defender os seus intereses

Primeiro fixérono os actores, logo os directores, máis tarde os dobradores e os últimos en ter a súa sociedade foron os técnicos do audiovisual. Baixo as siglas de ATEGA, Asociación de Técnicos de Galicia do Audiovisual, creouse unha entidade para defender os seus intereses de xeito conxunto. Entre os obxetivos está o de apostar pola formación continuada mediante cursos, publicacións e outras actividades. A presidenta desta sociedade é María Liaño.

Máis información no blog da Asociación

. Amplía a nova>>

Novas | 3401 a 3410 de 4285

<< Anterior Siguiente >>

<< Anterior Siguiente >>