20/01/2009
O Fondo do Cine só destina 652.500 euros a promoción do audiovisual en galego
A Lei do Cine, que entrou en vigor hai dous anos, explicita a existencia dun fondo para fomentar a industria cinematográfica e audiovisual en lingua cooficial distinta ao castelán. Ese fondo (chamado popularmente "Fondo dous") ten unha partida de 2.500.000 euros para promoción da industria nas linguas propias de cada comunidade. Dese fondo, Galicia recibirá 652.500 euros, tal e como figura no convenio subscrito entre a Consellaría de Cultura e o Ministerio de Cultura publicado hoxe no BOE. Esa partida servirá para subvencionar todas as iniciativas que a consellaría desenvolveu no 2008 en relación á produción, distribución e promoción da industria cinematográfica e audiovisual en lingua galega..
Amplía a nova>>
15/01/2009
Quiosco: AG, a revista do audiovisual galego
O último número da revista do audiovisual galego debate a fondo sobre a profesión do actor en Galicia. Charo Pena, Camila Bossa e Yolanda Pereira abordan as luces e sombras desta profesión que está a acadar cada vez máis prestixio social. É o tema destacado dun número que tamén entrevista a Carmelo Gómez, Celso Bugallo, Ángel de la Cruz ou José Mari Zabala; ademais de facer un exhaustivo repaso das estreas, rodaxes e novidades do sector. .
Amplía a nova>>
14/01/2009
Televisión de Galicia reforza a programación con Trece badaladas e Ruta 66
Ao fío de
Padre Casares , Televisión de Galicia estrea o vindeiro luns unha serie documental que pretende achegarse á vida das parroquias a través da figura dos curas. Baixo o título de
Trece badaladas (Luns, 21:45 horas) emitiranse 13 capítulos dirixidos por Paula Cons que achegarán a vida de sacerdotes que levan unha vida atípica e curiosa, desde o que practica exorcismos ata o que toca nunha orquestra. .
Amplía a nova>>
12/01/2009
O CGAC abre mañá un ciclo de documentais de creación galega
Baixo o título
Xeiras polo real, o CGAC acolle desde mañá e ata o sábado a proxección dun ciclo de documentais de creación galega. Longametraxes e curtametraxes que achegan unha mirada singular sobre o país. Os traballos de Mario Iglesias, Manuel Abad ou Felipe Veiga poderanse ver diaramente ás 19:00 horas no marco deste ciclo gratuíto. .
Amplía a nova>>
12/01/2009
O decreto que desenvolve a lei do cine flexibiliza os requisitos das coproducións internacionais
A aparición de novas formas de explotación obrigou a que o Real Decreto que desenvolve a actual Lei do Cine elimine os certificados de calificación de películas (coas súas correspondentes taxas). Introdúcese a creación dun certificado único de distribución para aquelas empresas que vaian comercializar as obras no ámbito cinematográfico. Entre outras novidades, o Real Decreto flexibiliza os requisitos para aprobar as coproducións internacionais, así como as axudas ás que poden optar as produtoras que realicen este tipo de películas. .
Amplía a nova>>
08/01/2009
Abertas tres liñas de axuda do Ministerio de Cultura para o sector audiovisual
Axudas a distribución de películas comunitarias (BOE do 5 de xaneiro), conservación de negativos e soportes orixinais (BOE do 6 de xaneiro) e produción de curtametraxes (BOE do 7 de xaneiro) son as tres liñas de axudas que acaba de convocar o Ministerio de Cultura, a través do Instituto de Cinematografía e Artes Audiovisuais (ICAA). En total destinaranse seis millóns de euros a estes conceptos con cargo ao Fondo de Protección á Cinematografía. O prazo de presentación de solicitudes nas tres liñas de axudas xa está aberto..
Amplía a nova>>
08/01/2009
Dez empresas do Clúster asistirán ao mercado audiovisual paralelo á Berlinale
Unhas das partes da Berlinale, o festival de cine de Berlín, é o seu mercado audiovisual, o European Film Market que se celebra do 5 ao 15 de febreiro. Un espazo ao que asisten produtores, distribuidores, compradores e axentes de venda para facer tratos, entablar novas relacións e estar ao día do que acontece no sector. Unha cita é que asistirán dez empresas do Clúster Audiovisual Galego. Xamalú Filmmes, Voz Audiovisual, Adivina Producións, Ficción Producións, Formato Producións, Filmanova, Continental, Abano Producións e Perro Verde Films son as empresas están acreditadas para participar nos screenings así como para asistir a selección oficial..
Amplía a nova>>
08/01/2009
Educación e o Consorcio organizan cursos monográficos de inglés audiovisual en tres cidades
Máis cursos (un total de catro), máis horas (de 30 a 45) e máis cidades (Santiago, Vigo e A Coruña). A consellaría de Educación e o Consorcio Audiovisual de Galicia repiten a experiencia dos seus cursos monográficos de inglés audiovisual. A convocatoria, que terá lugar a vindeira semana, permitirá a profesionais e estudantes do sector audiovisual mellorar o seu nivel de inglés. O Consorcio financiará o 50% das taxas da matrículas dun curso que impartirá na Escola Oficial de Idiomas e ofertará actividades extraacadémicas relacionas co contidos (visitas a rodaxes, organización de master classes ou proxeccións de filmes). .
Amplía a nova>>
08/01/2009
Os Tonechos sepáranse
Chegaron a ser un auténtico fenómeno social no noso país. Agora, o popular dúo cómico Os Tonechos anuncia a súa separación temporal. Tanto Roberto Vilar coma Víctor Fábregas sinalaron que non van facer polo momento novos programas para a Televisión de Galicia e que teñen abertas as opcións para desenvolver outros proxectos por separado. De calquera xeito, insisten en que non existe ningún problema entre eles e que é posible que o dúo volte no futuro..
Amplía a nova>>
07/01/2009
Un camiño de cinema
O crítico pamplonés Ramón Herrera acaba de publicar o libro
Cine jacobeo. El Camino de Santiago en la pantalla, no que realiza unha escolma de 22 títulos audiovisuais nos que o Camiño de Santiago desempeña un papel argumental ou de escenario relevante. Co gallo desta publicación, repasamos o extenso catálogo de AVG para localizar producións galegas vinculadas ao Camiño. .
Amplía a nova>>
