28/12/2009
Sete despedimentos paralizan a actividade do Consorcio Audiovisual de Galicia
A Secretaría Xeral de Medios comunicou a sete traballadores do Consorcio Audiovisual de Galicia o martes 22 os seus despedimentos. Trala dimisión o 1 de decembro do director-xerente da entidade, Nacho Varela, e estes novos despedimentos, no Consorcio Audiovisual de Galicia só fica unha traballadora. Esta decisión prodúcese despois de que o pasado día 22 na entrega dos Premios Chano Piñeiro, o presidente da Xunta, Alberto Núñez Feijóo, que o Consorcio será o organismo único de xestión audiovisual e que "habería que reestruturalo e potencialo". .
Amplía a nova>>
23/12/2009
Feijóo anuncia que reestruturará o Consorcio para coordinar a política audiovisual
Na gala de entrega dos IV premios Chano Piñeiro, Alberto Núñez Feijóo incidiu na necesidade de ter un audiovisual “forte e competitivo” para o que se necesita unha única política audiovisual. En canto ao organismo que se encargará de facelo, Feijóo apuntou que se saberá en breve. Sen embargo, acto seguido, o presidente citou á lei do audiovisual para lembrar que “xa contemplaba a creación dun organismo único, transversal, coordinador de actuacións e intereses que na propia lei ten o nome do Consorcio Audiovisual de Galicia, en activo desde 2003 e a pleno rendemento” do que dixo “haberá que reestruturalo e potencialo (desde principios de decembro está sen director-xerente trala marcha de Nacho Varela)”..
Amplía a nova>>
22/12/2009
Os clústers do audiovisual de toda España únense nunha rede
A unión é a forza. Por iso as empresas do audiovisual constituíron os seus clústers e, á súa vez, estes agrupar. A entidade resultante desa concentración chámase CAVE (Clústers Audiovisuais de España), co obxectivo de montar unha rede de colaboración e de traballo a nivel estatal. Entre as primeiras medidas que queren desenvolver é un Plan de Innovación e un Mapa de Indicadores estratéxicos do sector para iniciativas relacionadas co I+d+i..
Amplía a nova>>
21/12/2009
María Bouzas e Xavier Villaverde comparten o premio Chano Piñeiro
A actriz María Bouzas e ao realizador Xavier Villaverde acaban de ser galardoados, “ex-aequo”, co IV premio Chano Piñeiro que concede a Secretaría Xeral de Medios a profesionais que traballan a prol do audiovisual galego. O xurado recoñeceu a dilatada traxectoria profesional dos dous profesionais que recollerán os seus premios mañá no Salón Teatro de Santiago. Ademais, a proposta de Alfonso Cabaleiro, presidente do xurado, concedéronse dous premios de honra a Carlos Velo e José Luis Cabo Villaverde: “dous persoeiros xa ausentes pero sempre na memoria de todos os galegos vinculados co medio audiovisual”, segundo di a nota de prensa..
Amplía a nova>>
21/12/2009
Nadal+vacacións=nenos
Os cantos de Reis e as panxoliñas son un elemento imprescindible no Nadal. Por iso, son dúas actividades que están presentes en todas as programacións que os concellos ofrecen para os seus cidadáns. Analizamos a oferta das principais cidades de Galicia para ver as súas semellanzas e diferenzas..
Amplía a nova>>
15/12/2009
Nace Película Invertida, unha plataforma para abrir novas vías para a produción de cine
Rachar co modelo “empresa privada-televisión pública-administración pública”. Este é o obxectivo que procura Película Invertida. Este colectivo, integrado inicialmente por 12 persoas, pretende servir de punto de encontro de profesionais do sector audiovisual para promover a realización de filmes fóra do modus operandi habitual. Malia que a idea leva meses xestándose, o colectivo deuse a coñecer esta fin de semana e comeza agora a súa campaña de captación de socios. Canda esta iniciativa, o sector audiovisual segue a manifestar o seu malestar pola Orde Ministerial que desenvolve a Lei do Cine. A última nova a este respecto é o comunicado remitido pola Coordinadora de Profesionais do Audiovisual Galego no que explica o atranco para o futuro das producións independentes que o levou a denunciar esta lei ante a Unión Europea. .
Amplía a nova>>
15/12/2009
A lenta agonía
O cine tradicional morre lentamente. O que foi no seu momento un dos medios de comunicación máis aclamados como fenómeno social atravesa horas baixas. Son moitas as causas da baixada de espectadores que evidencian a fin dun ciclo e a necesidade de pensar nun novo modelo de exhibición cinematográfico. .
Amplía a nova>>
10/12/2009
O foro Creativa reúne a industria cultural galega e do Norte de Portugal
Desde hoxe e ata o vindeiro 19 de decembro, as artes escénicas, a música, o audiovisual e o produto gráfico de Galicia e do Norte de Portugal danse cita en Galicia. O Foro Creativa, coordinado pola Consellaría de Cultura e a Direcção Regional de Cultura do Norte do Ministério de Cultura portugués, abordará en 16 mesas redondas os problemas e posibilidades destes sectores. O programa inclúe ademais 13 espectáculos escénicos e musicais a cargo de creadores das dúas banda da raia. O conselleiro de Cultura, Roberto Varela, adiantou que esta iniciativa, integragada no Programa Europeo de Cooperación Transfronteiriza España-Portugal, terá continuidade co desenvolvemento dunha guía de recursos culturais e dunha axenda de eventos que se poderá seguir no web www.creativacultural.com..
Amplía a nova>>
10/12/2009
Cela 211 opta a ser finalista nos Globos de Ouro
Un película galega pode representar a España na final dos Globos de Ouro.
Cela 211, opta canda a
Los abrazos rotos e
El baile de la Victoria, a entrar na final destes galardóns na categoría de Mellor Filme Estranxeiro. De superar esta primeira criba, a produción que ten a Luís Tosar como protagonista debería competir con outros catro filmes para facerse co cobizado premio..
Amplía a nova>>
03/12/2009
Unha coprodución galego-brasileira achégase ao camiño de Santiago
Teo, unha reputada presentadora que perde o seu traballo ao tempo que descobre as infidelidades do seu marido. Ante a situación, decide iniciar unha nova vida e se embarca nun proxecto documental sobre o Camiño de Santiago. Este é o argumento de
Onde está a felicidade?, unha coprodución galego-brasileira (Filmanova, Pulsar Cinema e Coraçao da Selva) que se rodará no 2010 entre Sao Paulo e o Camiño de Santiago grazas ao Fondo de Coprodución Galicia-Brasil. O filme, que foi presentado en Santiago e comezará a se rodar en 2010, contará cun cameo de Paulo Coelho..
Amplía a nova>>
