10/08/2010
AGADIC falla ás súas axudas a novos creadores, clips e curtametraxes
Trinta e tres novos valores do noso audiovisual beneficiaranse de parte dos 300.000 euros das axudas que hoxe fai públicas a Axencia Galega de Industrias Culturais. Canda a eles, proxectos para 17 curtametraxes e videoclips repartiranse outros 180.000 euros de axudas. A Axencia mantén aberto ata o 15 de setembro o prazo para se presentar ás axudas para a amortización dos custos de produción de longametraxes cinematográficas, telefilmes e documentais..
Amplía a nova>>
04/08/2010
O Festival de cine de Ourense triplica o número de inscricións
Nada menos que 1.891 películas, fronte ás 600 do pasado ano, están inscritas para participar no vindeiro Festival Internacional de Cine de Ourense (OUFF). De entre todas as producións, o comité de selección escollerá 150 para as diferentes seccións, competitivas e de exhibición, do evento. Segundo explicou o xerente do festival, Enrique Nicanor, boa parte das producións recibidas se centran nas relacións interxeracionais. Pola súa banda, a organización do Festival Euroárabe Amal deu a coñecer que proxectarán un total de 45 filmes de diferentes temáticas. Os responsables destacaron asimesmo a alta participación no evento. Finalmente, o vindeiro venres remata en Sada o III Festival de Cine Centrifugado e Canalla, que recibiu nesta volta 155 propostas para a proxección..
Amplía a nova>>
03/08/2010
A muller protagoniza a nova edición das Xociviga
Un curso sobre cinema e muller e un ciclo de cinema en feminino son as actividades que lle dan o ton á nova edición da Xornadas de Cine e Video de Galicia (Xociviga) que comezaron onte no Carballiño. O encontro programa ademais unha exposición sobre cine e o Camiño de Santiago, mesas redondas e conferencias e mais un ciclo dedicado á cineasta urugaia Manane Rodríguez, con tres dos seus filmes. Tamén se proxectarán diferentes filmes destinados aos máis novos..
Amplía a nova>>
02/08/2010
A crise de Filmax aféctalle a Bren Entertainment e a Castelao Productions
A débeda de 174 milóns que acumula o grupo Filmax levou aos seus responsables a convocar concurso de acreedores sobre varias das compañías vencelladas ao mesmo. A medida afectará a Castelao Productions e a Bren Entertainment, divisións galegas do conglomerado audiovisual. Quedan fóra destas medidas Castelao Pictures ou Producións A Fonsagrada, tamén radicadas no noso país. Pola súa banda, a convocatoria de emprego público que acordara a dirección da CRTVG cos representantes sindicais e mais co Tribunal Superior de Xustiza de Galicia non se poderá convocar como estaba previsto. O Consello de Administración da Compañía rexeitou a pasada semana a proposta de cadro de persoal presentada polos responsables do ente. A situación deixa en suspenso o proceso de consolidación de emprego longamente demandado polos traballadores da compañía..
Amplía a nova>>
30/07/2010
O Audiovisual denuncia a parálise das axudas públicas ao sector
A Xunta ten pendentes de resolver axudas para o sector audiovisual por 6.260.000€, o que supón un 7,31% do total do negocio desta industria. As oito asociacións que agrupan diferentes profesionais da área denunciaron hoxe, nun comunicado conxunto, a parálise destas axudas e mais a falta de resolución da segunda fase do Plan de Apoio e Potenciación da Produción Cinematográfica Galega, que corre por conta da CRTVG. Canda a isto, reclaman a posta en marcha da liña específica de apoio ao sector do Instituto Galego de Promoción Económica. Os profesionais do audiovisual denuncian que a parálise destes apoios lles está a dificultar conseguir outras vías de financiamento e que pon en perigo 1.200 postos de traballo..
Amplía a nova>>
27/07/2010
O director galego Rodrigo Cortés estrea o seu último filme en 4.000 salas
O vindeiro 24 de setembro, 2.000 cinemas estadounidenses estrerán
Buried, un filme dirixido polo galego Rodrigo Cortés. A estas seguiranlles outras 2.000 salas no resto do mundo, un despregue inédito para un filme que conseguiu xa un grande éxito no último festival de cinema independente de Sundance. O filme, protagonizado por Ryan Reynolds narra a historia dun refén que se atopa fechado nun féretro e só se pode comunicar co exterior cun móbil. .
Amplía a nova>>
20/07/2010
Ábrese o prazo para o certame Xuventude Crea 2010
O Diario Oficial de Galicia publicaba o pasado día 15 a convocatoria do Certame Xuventude Crea 2010. O concurso establece primeiros premios de 3.000 euros, segundos de 1.500 e terceiros de 1.000 nas categorías de teatro, artes plásticas, moda, música, relato breve, poesía, videocreación, banda deseñada, graffiti, carteis, deseño de xoias e monólogos. En banda deseñada poden presentarse historias dun mínimo de dez páxinas a cor ou a branco e negro e con textos en galego. O prazo remata o vindeiro 31 de agosto..
Amplía a nova>>
16/07/2010
O ICAA fai públicos os requisitos para que unha película obteña o certificado cultural
Que o 75% do equipo sexa español ou comunitario e que cumpla, polo menos, dous dunha serie de requisitos (versión orixinal nas linguas oficiais; ambientada en España; que o guión sexa unha adaptación dunha obra literaria preexistente, ou que esté relacionada coas expresións da creación artística; biografías, ou temáticas da realidade cultural española…). Estes son os criterios que acaba de establecer o Instituto da Cinematografía e das Artes Audiovisuais (ICAA) para obter o
certificado cultural. Un recoñecemento necesario para acceder ás axudas á amortización de longametraxes, é dicir, as axudas automáticas..
Amplía a nova>>
12/07/2010
Mundos Dixitais falla os seus premios de animación
Esta fin de semana falláronse os premios do IX Festival Internacional de Animación Mundos Digitales na Coruña. A mellor curtametraxe de animación internacional foi para a alemana
The little boy and the beast, do director Johannes Weiland. A mellor curtametraxe de animación española foi para
Alma, de Rodrigo Blaas e o premio especial do xurado foi para a francesa
Get Out, dos directores Boisson, Fourvel, Han-Kwan, Roche e Reinarz. O xurado estivo composto por Robin King, de Imagina Corporation, Antonio Durera, de Milímetros Dibujos Animados, Daniel Martínez, de PepeLand, e Antonio sanjuán, da Universidade da Coruña..
Amplía a nova>>
09/07/2010
Os profesionais piden no Parlamento que se aprobe este ano a reforma da Lei da TVG
Xosé Manuel Olveira,
Pico, acudiu onte ao Parlamento de Galicia no marco da ponencia constituída para reformar a Lei da CRTVG. En representación da Academia Galega do Audiovisual, e da Coordinadora de Asociacións Profesionais do Audiovisual Galego reinvidicou a reforma dese texto xurídico para este 2010. “Sería o mellor agasallo á CRTVG no seu 25 aniversario”, asegurou. Entre as demandas presentadas destaca a necesidade de mudar o sistema do director xeral (maioría de dous terzos na cámara, que non coincida cos períodos electorais e non superen as dúas lexislaturas); garantir por lei tanto o cumprimento de investir en producións audiovisuais independentes o 6% dos seus ingresos como que o galego sexa a lingua oficial; un equipo avaliador no deartamento de proectos e unha áre de comercialización é mercadotecnia. No caso da Radio Galega avogaron por defender unha canle de música clásica e outra de informativos..
Amplía a nova>>
