02/02/2024
Crean en Marín un certame de curtas sobre o mar para novos creadores
A Asociación Cultural por un Museo do Mar para Marín ven de presentar o I Certame de Curtas de Cine do Mar, unha cita audiovisual enfocada no mar que se celebrará na localidade pontevedresa entre o 20 e o 26 de maio de 2024. Este novo encontro audiovisual competitivo está dirixido aos máis novos, que se inician na creación audiovisual, estable cendo dúas categorías: Novos/as Creadores/as e Ensino. O lema do presente concurso será "NOSTRA IN MARE FORTUNA". As obras presentadas deberán inspirarse libremente neste lema, centrándose na temática do mar, ben desde a perspectiva natural, ben desde a cultural. .
Amplía a nova>>
31/01/2024
Os XXII Premios Mestre Mateo celebraranse no Coliseum da Coruña
A gala anual dos premios Mestre Mateo do audiovisual galego regresa á Coruña na súa XXIIª edición a celebrar o sábado 23 de marzo. Segundo presentaron onte na Filmoteca de Galicia os representantes da Academia Galega do Audiovisual o Coliseum da cidade herculina é o recinto escollido para acoller o evento, un espectáculo que estará presentado polos actores Lidia Veiga e Miguel Canalejo e dirixido pola dramaturga Noemi Rodríguez. O lema desta edición formúlase en tono de pregunta: "Hai alguén aí? Si?, Non? Si?". Unha referencia á xeración Xabarín, segundo explicou o presidente da Academia, Álvaro Pérez Becerra, que retoma a pregunta que lle facía aos espectadores o Xabarín que presentaba o coñecido programa Xabarín Club nos anos 90, unha pregunta que, desde a Academia se resposta afirmativamente: "si que hai alguén aquí, destoutro lado das múltiples pantallas nas que, corenta anos despois, o audiovisual galego está presente: temos un sector maduro e consolidado", afirmou. Os intérpretes Lidia Veiga e Miguel Canalejo serán os presentadores da gala, os dous representan tamén á xeración crecida co Xabarín Club..
Amplía a nova>>
29/01/2024
Agadic convoca as axudas anuais á produción audiovisual
A Axencia Galega de Industrias Culturais abre desde hoxe a convocatoria para axudas á produción e coprodución de proxectos audiovisuais galegos coa publicación no Diario Oficial de Galicia (DOG) das bases que a rexen. Agadic mantén este ano o orzamento das catro convocatorias anuais precedentes, cun total de 2.500.000 euros de asignación para esta liña de axudas. A nova convocatoria distribúe o alcance do orzamento dun xeito máis detallado que a anterior entre as catro modalidades de produción contempladas como beneficiarias (longametraxe cinematográfica, longametraxe en coprodución internacional con participación minoritaria, curtametraxes, obras audiovisuais para TV e plataformas) resultando nun maior apoio económico ás longametraxes cinematográficas (1.610.000 euros) e separadamente tamén aos produtos audiovisuais producidos para TV e plataformas (500.000 euros), na suma entre ambas modalidades conseguen 100.000 euros máis que na anterior convocatoria en detrimento das longametraxes en coprodución internacional con participación minoritaria. .
Amplía a nova>>
26/01/2024
Unha viaxe musical polas casas da poesía lucense
'Na Casa Deles' , é o título do proxecto co que o cuarteto vocal Son de Corda fai unha homenaxe a seis desaparecidos poetas lucenses: Manuel María, Uxío Novoneyra, Darío Xohán Cabana, Lorenzo Varela, Luís Pimentel e Álvaro Cunqueiro. Inclúese tamén unha homenaxe á tradición oral. O proxecto presenta catorce audiovisuais gravados cada un en lugares vencellados á biografía dos escritores, en sete deles o cuarteto interpreta unha composición baseada na obra do poeta, gravada alí mesmo polo produtor Arturo Vaqueiro, e nos outros sete aparecen diferentes persoas que por coñecemento ou vencello cos poetas, explican o vencello entre os espazos e os autores. A realización audiovisual é de Manuel Lucas Mariño e participan coas súas achegas Mercedes Queixas, Branca Novoneyra, Alexandra Cabana, Carlos Callón, Beatriz Dourado, Antonio Reigosa e Xoán R. Cuba. Son de Corda está integrado por Esperanza Iglesias; Carmen Prendes; Fernando G. Jácome e Antón Castro e contan co acompñamento instrumental do pianista Raúl Rodríguez e a violinista Aldara Palmeiro. Os vídeos xa están dispoñibles en YouTube..
Amplía a nova>>
26/01/2024
Vogal, unha aplicación para localizar cine galego en versión orixinal
Inés San Luís é unha moza enxeñeira informática que acaba de publicar Vogal, unha aplicación para "descubrir series e películas en versión orixinal galega". Vogal permite acceder a unha serie de datos sobre as producións e as plataformas onde poder velo. Para facelo, a aplicación automatiza a extracción de datos de dúas plataformas. Primeiro, da Internet Movie Database, de onde colle os filmes que teñen versión orixinal en galego, e logo contrástaos con Just Watch, outra aplicación que procura nos diferentes servizos internacionais de vídeos baixo demanda, como Netflix, Hbo, Movistar ou Filmin. .
Amplía a nova>>
25/01/2024
A obra de Lois Patiño centra unha mostra na Fundación Luis Seoane
'Marea' é o título da mostra que comeza hoxe na Fundación Luis Seoane da Coruña, centrada no traballo audiovisual do realizador Lois Patiño. A exposición comisariada por Alberto Carton preséntase como "unha vertebración alterada do espazo-tempo, unha suspensión narrativa" sobre as obras do director. .
Amplía a nova>>
11/01/2024
Baixan levemente as candidaturas aos XXII Premios Mestre Mateo
A Academia Galega do Audiovisual daba a coñecer este 10 de xaneiro a listaxe de propostas que se presentaron á vixésima segunda edición dos Premios Mestre Mateo. Segundo os datos da entidade, a participación nestes galardóns reduciuse levemente respecto a 2023. Unha cifra de 173 producións e de 493 profesionais fronte ás 194 e 489 da anterior edición marcan ese leve descenso. Tamén se reduciu a porcentaxe de obras con versión orixinal en galego, que pasa do 67% ao 65,3% das presentadas..
Amplía a nova>>
10/01/2024
O Hematocrítico recibe de xeito póstumo unha Medalla de Ouro ao Mérito nas Belas Artes
O Consello de Ministros do Goberno de España aprobaba este 9 de xaneiro a concesión a 37 persoas de institucións das Medallas de Ouro ao Mérito nas Belas Artes correspondentes a 2023. Na listaxe destaca o nome do coruñés Miguel Ángel López González
O Hematocrítico, que recibe o galardón de xeito póstumo en recoñecemento ao seu labor como autor de literatura infantil e xuvenil, divulgador e comunicador..
Amplía a nova>>
08/01/2024
O Teatro Colón repasa seis clásicos de cinema nun novo ciclo de proxeccións
A recoñecida
The Apartment de Billy Wilder abre este 11 de xaneiro no Teatro Colón da Coruña o novo ciclo
As mellores películas da historia. Esta proposta do Concello repasará ata o vindeiro mes de xuño seis obras clásicas da sétima arte en proxeccións en formato de película de 35 milímetros e versión orixinal subtitulada que se acompañarán de coloquios "con recoñecidas personalidades do eido cultural, cinematográfico, xornalístico, académico ou co propio autor da obra", segundo sinala a presentación do proxecto..
Amplía a nova>>
04/01/2024
Ventura completa a selección de proxectos para a súa segunda xeira
A plataforma de formación, desenvolvemento e coprodución cinematográfica Ventura daba a coñecer este 3 de xaneiro a listaxe de propostas internacionais que farán parte da súa segunda edición. En total foron cinco propostas seleccionadas entre as 133 que se presentaron a esta iniciativa da Asociación Cultural Enfoques, organizadora do festival Play-Doc en Tui..
Amplía a nova>>
