02/01/2024
As axudas autonómicas a festivais audiovisuais aumentan un 33 por cento
As bases da convocatoria de subvencións a festivais para o ano que vén, publicadas no DOG do 29 de decembro, manteñen a dirección alcista que viña seguíndose desde a Axencia galega de Industrias Culturais para esta liña de axudas desde 2015. Neste ano increméntase a partida nun 33% respecto aos 225.000 euros consignados en 2023, alcanzando os 300.000 euros de investimento autonómico en certames e mostras galegas do sector organizadas de xeito profesional entre o 1 de novembro de 2023 ata o 31 de outubro de 2024, ambos os días incluídos. A contía máxima que se poderá solicitar é de 50.000 euros..
Amplía a nova>>
28/12/2023
As axudas á escrita de guións multiplícanse por nove
Ata 270.000 euros dedicará en 2024 a Axencia Galega de Industrias Culturais (AGADIC) da Xunta de Galicia a unha nova liña de axudas dirixida a apoiar a escrita de guións de ficción e animación, que teñan como destino a produción de longametraxes cinematográficas ou series para televisión. Esta convocatoria en concorrencia competitiva ven de abrirse hoxe coa publicación das bases reguladoras no Diario Oficial de Galicia. Anteriormente AGADIC incluía as subvencións para a escrita de guións dentro da convocatoria de Axudas a Promoción do Talento Audiovisual, dedicando na convocatoria deste ano 2023, ata 30.000 euros á escrita de guións. A actual liña para 2024 multiplica por nove esta cifra e por cinco os resultados previstos en canto a número de guións subvencionados..
Amplía a nova>>
28/12/2023
A CRTVG aproba 25 proxectos de contidos para as súas redes
A través da convocatoria que realizou de selección de produtos dixitais en galego, a CRTVG resolveu a produción de 25 proxectos destinados ás súas distintas canles dixitais, cun investimento de 300.000 euros. Os contidos "están creados especificamente desde e para a contorna dixital" e entre eles atópanse pezas destinadas a público familiar, cativada e outros orientados a públicos máis específicos. Entre eles, exemplos de contidos humorísticos e de entretemento, como 'Raíña-me', de Cristela Torres, no que "a presentadora, Raíña Nai, converte a persoa convidada en
drag queen", infantís, como Plantasías, de Zumalaba SLU sobre as "especies arbóreas de implantación tradicional" ou 'Música no foco', de Marguerita Morello, no que distintos intérpretes, "autores da música contemporánea galega" interpretan algúns dos seus temas musicais. .
Amplía a nova>>
27/12/2023
Morre a cineasta Patricia Ferreira
A cineasta madrileña de orixe galega Patricia Ferreira faleceu hoxe en Madrid aos 65 anos vítima dun cancro. Ferreira (Madrid, 1958) estudou Ciencias da Comunicación Audiovisual e Xornalismo en Madrid. Comezou realizando crítica cinematográfica para RNE e a revista Fotograma, para desde mediados dos oitenta exercer en axudantía de dirección. Dirixiu despois diversos programas de televisión como 'Planta Baja', series dramáticas como 'Equinoccio' e 'Paraísos cercanos' e documentais, dos que pasou ao cine. A Academia Galega do Audivisual ven de expresar publicamente as súas condolencias e lembrar dela que foi a primeira muller finalista á mellor dirección nos Premios Mestre Mateo polo seu traballo en 'O alquimista impaciente'..
Amplía a nova>>
20/12/2023
O filme 'Samsara' de Lois Patiño chega hoxe aos cines
A longametraxe documental 'Samsara', do realizador Lois Patiño, chega hoxe ás salas comerciales de todo o país. O filme chega ao público tras so seus paso por numerosos festivais, onde foi seleccionada para concursar nas sección oficiais, coa vitola de ter feito historia para o audiovisual galego ao recibir o pasado febrero o galardón especial da sección Encounters da Berlinale, ex aequo co filme 'Orlando, ma biographie politique' de Paul B. Preciado. A película, distribuida por Atalante, proxectarase inicialmente en 23 salas de toda España , seis delas en Galicia. Hai varios pases especiais programados que contan coa presenza e intervención do director vigués, que poden consultarse no web de Atalante..
Amplía a nova>>
18/12/2023
A cinta ruandesa 'The Bride' triunfa no festival Novos Cinemas
A película ruandesa 'The Bride', dirixida por Myriam U. Birara, foi a gran triunfadora da oitava edición do festival pontevedrés Novos Cinemas ao lograr o Premio Novos Cinemas á mellor película da Sección Oficial e o Premio Xurado Novo á mellor dirección na mesma sección. A película narra o drama social dos matrimonios forzados que sofren moitas mulleres en Ruanda. A outra longametraxe máis valorada foi 'An evening song (for three voices)' de Graham Swon, con dous importantes recoñecementos, o Premio do Xurado da crítica e o do público. O veredicto do xurado, composto por Gloria Benito, Silvia Cruz e Helena Wittman, tamén outorgou dúas mencións especiais: unha para 'Peter Pan', de Natacha Samuel e Florent Klockenbring, e outra para 'There is a stone', de Tatsunari Ota. O Premio do Público, seleccionado pola audiencia do festival, distinguiu de novo a 'An evening song (for three voices)', consolidando o seu lugar como unha das preferidas nesta edición..
Amplía a nova>>
18/12/2023
Héctor Carré faise co Premio Daniel Domínguez de Guión
O traballo
Sinais valeulle a Héctor Carré facerse cos 2.000 euros con que está dotado o V Premio Daniel Domínguez de guión en galego, que organiza a Asociación Sindical Galega de Guionistas. O galardón, que recoñece textos para longametraxes de ficción, tivo como finalistas a Uxía Diéguez Santiago co seu traballo
Furtivo e a Gumersindo Novoa Rodríguez con
As cores da alma..
Amplía a nova>>
15/12/2023
Deputación da Coruña e Clúster Audiovisual renovan o convenio para apoiar o programa de incubación de proxectos
A Deputación Provincial da Coruña e Clúster do Audiovisual Galego veñen de asinar un convenio de colaboración para renovar o cofinanciamento do proxecto I+P Incuba. Trátase dun programa de incubación e plataforma de
pitching onde participan profesionais e empresas que superen previamente un proceso de selección, e que ten como obxectivo a incubación e mellora significativa de seis proxectos audiovisuais na fase de desenvolvemento a través de titorías, webinarios e consultoría..
Amplía a nova>>
14/12/2023
María Vázquez nomeada a mellor actriz nos Premios Feroz
Os Premios Feroz da Asociación de informadores Cinematográficos de España veñen de facer pública a lista completa de nomeamentos aos seu galardóns. De entre os cinco recoñecementos aos que aspira o audiovisual galego destacan o de María Vázquez como candidata a Mellor Actriz protagonista polo seu traballo na película Matria, de Álvaro Gago; e as candidaturas dentro dos Premios Feroz Arrebato de 'O Corno' de jaione Camborda en Ficción e de Samsara, de Lois patiño en Non Ficción. .
Amplía a nova>>
12/12/2023
Estrea absoluta da ópera infantil OCA no Teatro Colón
A Orquestra e coro GAOS estrea mañá mércores 13 de decembro no Teatro Colón da Coruña a ópera infantil OCA, de Gloria Rico e Juan Durán. Tomando o popular xogo da oca como inspiración esta peza interpretada por nenos do Coro MiniGaos conta con texto de Rico e coa composición musical do mestre Durán. Fernando Briones leva a dirección musical. Cunha duración de aproximadamente unha hora, esta obra preséntase como unha viaxe iniciática a través de diferentes episodios da vida, desde o comezo do xogo ata a chegada ao xardín, no que o obxectivo é sempre avanzar. Esta estrutura correspóndese musicalmente cun prólogo, sete cadros e un epílogo, entre os cales media a narración dunha actriz..
Amplía a nova>>
