20/11/2013
Unha produción galega gaña o primeiro premio de cine submarino de San Sebastián
A produción audiovisual "Mar de un bosque encantado" gañou o primeiro premio do 37º Ciclo de Cine Submarino de San Sebastián (Cimasub 2013). Trátase dun documental que permite coñecer os bosques de algas do fondo das rías e costa galegas e a cadea alimenticia dos diferentes animais que a habitan. .
Amplía a nova>>
15/11/2013
Estréase O pequeno mago
Hoxe estréase en todo o Estado a película
O pequeno mago, realizada por Deboura Cultural e dirixida por Roque Cameselle. O filme está baseado na novela xuvenil
Bieito Dubidoso, escrita por Cameselle e editada por Xerais, e conta a historia dun pequeno mago que vive en Tui nos tempos dos ataques normandos.
O pequeno mago xa se estreou na sección infantil do Festival de Cine de San Sebastián. En Galicia poderase ver esta fin de semana en Vilagarcía (Gran Arousa) e en Vigo (Praza elíptica). .
Amplía a nova>>
12/11/2013
O fracaso a escena (e á rede)
Unha montaxe teatral sobre o fracaso. Unha obra de teatro, con música orixinal e unha webserie que documenta o propio proceso de creación do espectáculo. Funboa escénica estreaba a semana pasada en Compostela
Sigue buscando, unha orixinal proposta que denuncia a situación das artes escénicas e reflexiona con humor sobre os múltiplos fracasos que se superpoñen na actualidade..
Amplía a nova>>
06/11/2013
O Apóstolo, preseleccionada para Óscar á mellor película de animación
O Apóstolo, a película de animación dirixida por Fernando Cortizo, está preseleccionada pola Academia de Cine de Hollywood como mellor película de animación. A lista final sairá a partir dos 18 filmes da preselección actual. O Apóstolo competirá con películas como
Monsters University ou
Frozen. Por outra banda, a curtametraxe
Seule, do realizador boirense Toño Chouza, vén de ser seleccionada oficialmente para exhibición no Zero Film Fest de Nova York, un certame de cine independente. .
Amplía a nova>>
05/11/2013
Chega o Cineuropa máis social
Máis de duascentas películas, con varias
premiere incluídas, e trinta directores e intérpretes dispostos a debater co público son algúns dos titulares da nova edición de Cineuropa, que se presentou hoxe á mañá. Un certame que este ano vén moi social, con
premieres de Philippe Garrel como
La Jelousie,
Tom á la Ferme de Xavier Dolan, e cinema que intriga e perturba sobre o medio ambiente, a familia ou os desafiuzamentos en países como china. O ciclo "Cre en Italia… más che vale!: O Novecento italiano en 60 películas”" contará con dramas e comedias de Alberto Sordi, Nino Manfredi, Mastroianni, Gassman, Tognazzi, para tentar comprender a través do cine a complexidade italiana. Realizados e actores como Albert Serra, Jonás Trueba, Fernando Franco, Lois Patiño, Mar Coll, Juan Barrero, Luís Lopez-Carrasco, Juan Cavestany, Alberto Gracia ou Jorge Tur explicarán como reacciona o cinema español nesta situación de crise. .
Amplía a nova>>
30/10/2013
O cine volve buscar o seu sitio
Galicia é a comunidade autónoma con peores datos de asistencia a cines, só por riba de Estremadura e Ceuta e Melilla, pero o gasto medio do espectador é superior á media española. Temos cada vez menos cines, pero tamén máis salas concentradas nas grandes cidades. Neste contexto de caída do cine, sen embargo, o cine español gaña cada vez máis espazo ao cine estranxeiro. Estes son algúns dos interesantes datos do informe sobre o cine que publica o Observatorio da Cultura Galega do CCG..
Amplía a nova>>
24/10/2013
Cartografía dunha actriz
Hoxe celébrase no CCG a xornada “Escénicas. Mabel Rivera”, na que un conxunto de investigadores e profesionais analizan e exploran a traxectoria artística e profesional de Mabel Rivera, sen dúbida unha das actrices galegas con máis traxectoria. A xornada, organizada pola Comisión de Igualdade do CCG, complétase cunha estensa biografía en liña sobre ela no Álbum de Mulleres. .
Amplía a nova>>
21/10/2013
Xabier Cordal faise co Premio da Crítica á Creación Literaria
O Hotel Os Escudos de Vigo acollía o pasado sábado a xuntanza dos xurados do XXXVI Premios da Crítica de Galicia. Un total de 350 persoas de diferentes ámbitos participaron na deliberación e na entrega destes galardóns. O poemario
Transmuta valeulle a Xabier Cordal o premio de Creación Literaria, no que quedaron finalistas
A noite branca de Francisco Fernández Naval e
Morgana en Esmelle de Begoña Caamaño. No campo do ensaio foi
Murguía a biografía que realizou Xosé Ramón Barreiro sobre este pai do Rexurdimento. .
Amplía a nova>>
15/10/2013
O Ministerio de Cultura resolve dúas das súas axudas á cinematografía
O Boletín Oficial do Estado recolle hoxe a resolución de dúas convocatorias de axudas no ámbito audiovisual que afectan a proxectos galegos. Tal e como xa se fixera público o pasado setembro, a convocatoria de apoios a festivais deixou sen financiamento estatal o de Cans, no Porriño, ao igual que o pasado ano. Pola contra, o Play-Doc e o festival coruñes S8 reciben desta volta 7.000 e 5.000 euros respectivamente..
Amplía a nova>>
14/10/2013
AGADIC resolve as axudas ao talento
Doce creadores beneficiaranse das axudas para o desenvolvemento e promoción do talento audiovisual galego que acaba de publicar a Axencia Galega das Industrias Culturais no seu web. En total son seis proxectos de escrita individual de guión que obtiveron cadanseus 5.000 euros e que apoiarán os traballos de Lois Patiño, Sandra Sánchez, Alberto García, Hugo Amoedo, Juan Ramón Galiñanes e Francisco Carballal. Na modalidade de curtametraxes, obtiveron cadansúa axuda de 6.000 euros Xacio Rodríguez, Xurxo González, Eloy Domínguez, Olaia Sendón, María Belén Montero e Pablo Millán para os seus novos proxectos..
Amplía a nova>>
