15/10/2014
Sete produtoras galegas participan no MIPCOM de Cannes
A vila francesa de Cannes acolle un ano máis, ata o vindeiro 16 de outubro o MIPCOM. Esta feira, considerada a máis importante do mundo no campo dos contidos televisivos conta na nova edición coa presenza de sete produtoras galegas, que acoden co apoio das axudas da Axencia Galega das Industrias Culturais (AGADIC) para a internacionalización. En concreto trátase de Destino Bergen, Ficción Producciones, Filmanova, que acode coa súa filial mexicana, Portocabo, Tree Line, Voz Audiovisual e Zenit TV. Entre outros proxectos, as empresas galegas levan a este mercado producións como o filme
Schimbare de Álex Sampayo, o documental
Los austrias ou a a adaptación televisiva da novela de Jorge Díaz
Cartas a palacio.
Amplía a nova>>
13/10/2014
O XI Curtocircuíto fecha con premios para Álvaro Gago e Xacio Baño
O Teatro Principal de Santiago acolleu o pasado sábado a gala de feche da XI edición de Curtocircuíto. No acto entregáronse os premios desta xeira, entre os que destacaron o premio premio CREA ao mellor director galego para Álvaro Gago e mais os premio AGAG ao mellor guión galego e premio Planeta GZ que foron para Xacio Baño. Canda a eles, o filme
Traversées fíxose co premio Radar, mentres
Substanz levou o Explora. O xurado novo entregou o seu galardón á curta
Washingtonia mentres a favorita do público foi
Forever Over..
Amplía a nova>>
09/10/2014
O cinema euroárabe retorna a Compostela con Amal
Sen recuperar o formato de festival, Amal volta a Compostela como ciclo de cinema. A manter o formato do pasado ano, a iniciativa proxectará un total de nove filmes entre o 13 e o 18 de outubro, nos que se mesturan estreas cunha selección de traballos xa vistos en anteriores edicións. Así, os espectadores poderán ver
Return to Homs,
They are de dogs,
Amreeka,
Infiltrators, Omar, Yo soy Gaza,
Homeland (Né Quelque Part),
La bicicleta verde e
Waiting for Pasolini. Todas as proxeccións desenvolveranse no auditorio auditorio ABanca. Ademais desta entidade, o programa conta co apoio da Axencia Galega das Industrias Culturais. segundo denunciara a organización, a falta de apoio económico provocara o pasado ano a transformación do festival nun ciclo non competitivo..
Amplía a nova>>
07/10/2014
Nace o Observatorio do Audiovisual de Galicia
Da man dun grupo de profesionais do sector acaba de nacer o Observatorio do Audiovisual de Galicia, un proxecto que se presenta como un foro de debate, con reunións periódicas e organizado en grupos de traballo" co obxectivo de "contribuír a deseñar unha (nova) folla de ruta para o audiovisual". A situación actual do sector, deficiencias nas convocatorias recentes da AGADIC e a necesidade de propor alternativas apúntanse como bases para esta iniciativa, que conseguiu xa o apoio de máis de 120 profesionais deste ámbito. .
Amplía a nova>>
06/10/2014
Un proxecto de Andrés Rosende é premiado no Fantastic Market de Austin
O Audiovisual Galego continúa a obter recoñecementos no exterior. Así,
The Turned, proxecto dirixido polo compostelán Andrés Rosende acaba de se facer co galardón á mellor presentación de proxecto (Pitching Project) no Fantastic Market que se celebrou en Austin, Texas. O traballo, baseado no filme
Escape coa que Rosende obtivera o premio do Sindicato de Directores de America à mellor curta latina, aborda a temática vampírica deste a óptica da inmigración ilegal..
Amplía a nova>>
03/10/2014
Os centros de ensino galegos destacan nos premios á Alfabetización Audiovisual
Os premios á Alfabetización Audiovisual que convoca o Mnisterio de Educación, Cultura e Deporte teñen na súa segunda edición inequívoco sabor galego, xa que dous dos tres galardóns outorgados foron para centros do noso país. En concreto o CEIP A Rúa de Cangas, viu recoñecido o seu proxecto
Cineando ilusións, no que os alumnos elaboraron un documental sobre a antiga conserveira Massó. Ao tempo, no apartado de secundaria alzouse co galardón o IES Cacheiras, en Teo, polo proxecto
Persoas. Cada un dos centros recibirá 3.000 euros polo seu traballo..
Amplía a nova>>
29/09/2014
Álex Sampayo gaña o Festival de San Diego
O director de Lalín Alex Sampayo fíxose onte co premio ao mellor filme internacional no Festival de San Diego coa súa primeira longametraxe.
Schimbare, de Ficción produccións, está protagonizada por Candela Peña e Luís Zahera e aborda a problemática das redes internacionais de tráfico de órganos. O traballo, único filme español a competición, estivo tamén presente no Festival internacional de Montreal..
Amplía a nova>>
22/09/2014
Curtocircuito estrea seccións novas para dar a coñecer novas promesas
Curtocircuito, o Festival Internacional de Curtametraxes de Compostela, proxectará máis de 120 filmes entre o 6 e o 11 de outubro, baixo a dirección de Pela del Álamo. Desta edición, o festival "propón un novo modelo compacto, de calidade, con vocación internacional". E para iso dótase de seccións novas, como Radar, que busca "acoller unha variada selección de títulos que marcan tendencias" ou Púlsar, destinada a "amosar o traballo de directores emerxentes", e que se inicia cun monográfico sobre o portugués Gabriel Abrantes, unha das figuras máis prometedoras do audiovisual luso..
Amplía a nova>>
18/09/2014
Neira Vilas, Cándido Pazó, o Festival de Ortigueira e o Centro Pen Galicia levan os Premios da Cultura Galega 2014
A Xunta de Galicia deu a coñecer onte os gañadores dos Premios da Cultura Galega neste ano. Xosé Neira Vilas foi o galardoado na modalidade de Letras, recoñecéndoo como "un dos narradores que mellor describiu a dureza da vida campesiña e o sentimento de desarraigo do emigrante galego". No campo das artes plásticas recoñeceuse a Galería Trinta, mentres o galardón de artes escénicas levouno o actor de dramaturgo Cándido Pazó. O Festival Internacional do Mundo Celta de Ortigueira mereceu a honra do xurado na categoría de Música, mentres no audiovisual recoñeceuse o traballo da Asociación Galega de Produtoras Independentes (AGAPI)..
Amplía a nova>>
15/09/2014
Francia arrasa nos premios dos FIC de Bueu
O filme francés
La lampe au beurre de Yak (A lámpada de manteiga de Yak) foi o gañador do Festival Internacional de Curtametraxes (FIC) de Bueu. O produtor da cinta, Julien Féret, recibiu da man do alcalde da localidade un premio de 2.000 euros. O segundo premio do xurado foi para outra produción francesa,
La Fuge. O premio do público foi para o filme
Meu amigo Nietzsche, do realizador brasileiro Fáusto da Silva.
3-1=0 resultou a mellor curta galega, realizada por Juan Galiñanes. .
Amplía a nova>>
