María Blanco-Fafián

María Blanco-Fafián
Actriz
Nome completo: María Blanco Fafián
Ortigueira (A Coruña) 1978   

---

Deu os seus primeiros pasos no teatro afeccionado como actriz e de directora. O seu salto á pantalla foi da man de “Pensión ao timón” no Raio Verde de Santiago, onde fixo cursos de formación. Ten traballado noutras producións audiovisuais, entre as que destaca a longametraxe “Autopsia” de Milagros Bará. Na temporada 2003-2004 presentou un apartado cinematográfico en “Luar”. En 2005 tivo unha intensa actividade fílmica, participando en catro longametraxes: “Adivina quién soy” (de “Películas para no dormir”, de Filmax), “The tortured”, “Los managers” e “Mia Sarah”.

Formación específica: Cursou o Posgrao en Estudios Teatrais pola Universidade de A Coruña e o Curso de Cinematografía en "O Raio Verde" (Santiago de Compostela). Tamén realizou Cursiños de Interpretación, Ortofonía e dicción, e Teoría da interpretación.