Alberto Díaz “Bertitxi”

Alberto Díaz “Bertitxi”
Dirección fotografía
Nome completo: Alberto Díaz Blanco
Fene (A Coruña) 1970   
Web propia

---

Ten experiencia como operador de cámara, traballou en dúas ducias de longametraxes de eléctrico e noutra media ducia de xefe de eléctricos. Porén é a dirección de fotografía o seu labor principal. Tras un par de producións para a EIS da Coruña a finais dos noventa, é na década do 2000 cando a súa carreira despega, dirixindo a foto dunha trintena de obras diversas: Curtametraxes (Ilusión Óptica), obras institucionais (A muller labrega), video-instalacións (Os sete mares), curtas experimentais (Sinceramente), videoclips musicais -para Miguel Costas-, curtas documentais (Compostelarte I), longametraxes documentais (O Casón: Vinte anos sen respostas), video-danza (Estiven en Galicia e lembreime de ti), pezas industriais (Tlr Soft), programas de TV, longas de ficción, series documentais... case ningún formato se escapa ao seu extenso curriculum.

Premios e recoñecementos: Por Vilamor recibiu o galardón á mellor fotografía no Festival Internacional de Cine de Nova York (2012).
Por Encallados recibiu o galardón á mellor dirección de fotografía nos XII Premios Mestre Mateo (entregados en 2014).

Formación específica: Posgrao en Dirección de Fotografía Cinematográfica, impartido por Tomás Pladevall (A.E.C.), na Escola Superior de Cinema i Audiovisual de Catalunya (2002-03). Técnico especialista en operacións de cámara e iluminación pola Escola de Imaxe e Son de A Coruña (1996-97). Desde 1992 fixo máis de trescentas horas en dez cursos e obradoiros técnicos sobre cine dixital, alta definición, etalonaxe dixital, arte visual, foto industrial, foto en branco e negro, camerografía, realización e montaxe, entre outros.