28/04/2022
Son d'Aldea publica na rede os vídeos da súa última edición
A organización do encontro Son d'Aldea completou esta semana a publicación en Youtube dos vídeos que recollen a súa décima edición. Desde o pasado mes de xaneiro a entidade publicou as 14 pezas audiovisuais coas actuacións deste proxecto de teatro comunitario que se desenvolveu en setembro de 2021..
Amplía a nova>>
26/04/2022
O HUB Audiovisual abre a segunda convocatoria con fondos europeos para atraer rodaxes
O Diario Oficial de Galicia publica hoxe as bases reguladoras da segunda quenda de axudas de para proxectos audiovisuais que leven á captación de rodaxes en territorio galego, encadrado no proxecto Hub audiovisual-industria cultural da Axencia Galega de Industrias Culturais vinculado á xestión dos fondos do programa REACT da Unión Europea. Esta nova convocatoria conta cun crédito total de 2.000.000 de euros, a dividir a partes iguais para as anualidades 2022 e 2023. As actuacións subvencionables con cargo a estas axudas estarán financiadas ao 100 % a través do Fondo Europeo de Desenvolvemento Rexional (Feder). Poden ser beneficiarias empresas galegas co obxectivo de realizar proxectos xunto con produtoras, canles de televisión e plataformas de fóra de Galicia. As subvencionadas poderán exercer ben como coprodutoras destes traballos, cunha participación igual ou superior ao 20%, ben como provedoras de servizos de produción, sempre acreditando a realización dun gasto mínimo en Galicia fixado en 1 millón de euros para longas cinematográficas de ficción e animación e de 1,5 millóns de euros para as series de ficción. As subvencións concédense por concorrencia non competitiva e poden oscilar en máximos de entre 300.000 e 350.000 euros, tanto para longametraxes como para series, como xa foi o caso da primeira quenda. .
Amplía a nova>>
25/04/2022
A Consellería de Cultura anuncia novos programas de apoio á industria
O conselleiro de Cultura, Román Rodríguez, aproveitou o encontro que mantivo este sábado 23 de abril con representantes da industria musical para anunciar a vindeira convocatoria de liñas de axudas para diferentes ámbitos do sector cultural. A sumar un investimento total de 4,8 millóns de euros, as convocatorias anunciadas para as vindeiras semanas inclúen varias das subvencións anuais xa existentes ao tempo que engaden novidades..
Amplía a nova>>
22/04/2022
'Traballar coma un galego': un documental sobre a construción da paisaxe do Douro
A Radio Televisión Portuguesa (RTP) e a Televisión de Galicia (TVG) continúan na súa liña de coproducións co documental "Galegos D'Ouro", estreado a semana pasada e que hoxe está dispoñible de xeito completo no web da RTP. Dirixido por Arminda Sousa, o documental céntrase no gran número de traballadores galegos que contribuíron a construír a paisaxe do viño das ribeiras do Douro desde o século XVIII, incluíndo a construción dos socalcos, das adegas, das prantacións e das vendimas ata facer del o escenario que hoxe é Património Mundial da Humanidade. O documental inclúe entrevistas a diferentes expertos como Camilo Fernández Cortizo, José António Souto Cabo, Ramón Villares, Natália Fauvrelle ou Evaristo Rodríguez. .
Amplía a nova>>
22/04/2022
Homenaxe a Xosé Velo coa estrea dun documental e presentación dun libro
A Deputación de Pontevedra, a través do departamento de Memoria Histórica, vai celebrar este sábado 23 de abril o 106 aniversario e render homenaxe a Xosé Velo. No acto estrearase o documental dirixido por Aser Álvarez para Arraianos Producións, 'Xosé Velo. O libertador ibérico' sobre a súa figura e tamén o libro ‘Xosé Velo. Textos escollidos’. Este volume baséase en documentos en diferentes formatos que a deputación de Pontevedra foi adquirindo produto da actividade política e cultural de Velo, que inclúen poemas, textos, artigos e outros materiais recuperados e adquiridos pola institución provincial. O salón de Plenos da Deputación de Pontevedra acollerá esta homenaxe e as presentacións, comezando ás 11.30 horas..
Amplía a nova>>
21/04/2022
Loitar saben, unha serie para achegarse ao pasado das mulleres
A serie
Loitar saben, promovida por Mazarelos, revista de historia e cultura, publicou os dous episodios dunha serie docuemntal que busca observar a experiencia da vida das mulleres en dous momentos do pasado. Por unha banda, a peza
Fisterra recupera a memoria das traballadoras desta vila coruñesa entre o doméstico e o traballo público. O outro documental,
Loiba feminino achégase á creación da Unión Deportiva Loiba Feminino no ano 1989, na que un grupo de mulleres de Ortigueira comezaron a xogar ao fútbol, ata o momento un espazo unicamente masculino. O obxectivo é "darlle voz a elas mesasm para rachar eufemismos e tópicos que falsean a realidade histórica". O proxecto está financiado polo Fondo de Proxectos Culturais Xacobeo 2021-2022 da Xunta de Galicia.
.
Amplía a nova>>
21/04/2022
Comeza a rodaxe de '13 exorcismos' apoiada desde o Hub Audiovisual
Unha subvención de 350.000 euros a través do fondo de atracción de rodaxes do Hub Audiovisual da Industria Cultural, foi a chave para acadar o comezo da reodaxe en terras galegas da película '13 exorcismos'. A realización da longametraxe implicará, segundo a Xunta, un compromiso de gasto de 1,75 millóns de euros na nosa Comunidade por parte das empresas implicadas. A produtora galega con sede en Madrid, Bambú Producciones, xunto con Atresmedia Cine e Mr Fields & Friends son as empresas impulsoras desta película de terror baseada no último caso de exorcismo documentado en España, no ano 2014. Ademais da cidade de Ourense e doutros puntos da provincia, o equipo da película '13 exorcismos' tamén traballará en Ordes (A Coruña), onde recreará a casa familiar desta historia. O proxecto conta cunha ampla nómina de profesionais do país, que encabeza o director do filme, o coruñés Jacobo Martínez, contando tamén coa directora de produción, Tamara Soto; a xefa de perruquería, Mara Collazo, ou os propios produtores executivos, Teresa Fernández-Valdés, Ramón Campos e Sara Gonzalo, así como varios dos membros do elenco interpretativo, como Cristina Castaño, e arredor de 350 figurantes. Os actores Ruth Díaz e Urko Olazabal, protagonizan o filme xunto a María Romanillos e Pablo Revuelta..
Amplía a nova>>
20/04/2022
Premio Rodolfo Prada de xestión cultural para o ciclo Poetas Di(n)versos
O ciclo de recitais de poesía 'Poetas Di(n)versos' que se leva a cabo na cidade da Coruña, coordinado por Yolanda Castaño foi merecedor do Premio Rodolfo Prada á Xestión Cultural da deputación provincial de Ourense. Así o decidiu por unanimidade o xurado destes galardóns, reunido na ICC Week na quinta edición destes premios, cuxo proxecto gañador consegue unha dotación de 3.000 euros e unha escultura conmemorativa. O ciclo internacional de recitais de poesía, que xunta voces galegas con outras de outras linguas e culturas diferentes gañou nesta ocasión, pero o xurado ademais decidiu un podio no que tamén hai espazo pra un segundo e un terceiro premios, ademais dunha mención especial..
Amplía a nova>>
20/04/2022
O legado próximo de Pedro Brandariz
A intensa actividade que despregaba o actor Pedro Brandariz continúa a deixar pegada mesmo logo do seu falecemento o pasado mes de febreiro. Deste xeito, a canle de Youtube da Secretaría Xeral de Política Lingüística ten publicados, desde o pasado catro de abril os cinco episodios da serie
Sesión Vermú, protagonizada polo cómico e que ve a luz de xeito póstumo..
Amplía a nova>>
19/04/2022
A Rede Cultural da Deputación da Coruña programará 1.408 espectáculos na provincia
Un total de 1.408 espectáculos poderán verse en todos os concellos da provincia da Coruña no marco da Rede Cultural da Deputación Provincial. A entidade deu a coñecer a listaxe de actividades que fan parte deste programa, que conta cun investimento de 1.509.836 euros por parte do organismo..
Amplía a nova>>
