Son cincuenta mulleres de diferentes tempos e condicións, pero representan unha época, a Idade Media, pouco abordada en Galicia desde os estudos de xénero. O venres o Instituto de Estudios Gallegos Padre Sarmiento, adscrito ao CSIC, presentou o volume Mujeres con poder en la Galicia medieval (siglos XIII-XV), no que a través de estudos, biografÃas e documentos analÃzase un amplo periodo que vai dos séculos XII ao XV. Entre estas figuras, na presentación destacouse "o caso de dona Aldonza de Mendoza, duquesa de Arjona e irmá do marqués de Santillana, cuxa vida conxugal foi obxecto de demanda por malos tratos e abusos de poder contra o seu marido, e que deixou ademais en herdanza a que, con 33 volumes, é coñecida como a segunda biblioteca laica coñecida no reino de Castela na época".
