Mauro Fernández, catedrático de Lingüística Xeral da Universidade da Coruña acaba de presentar o estudo Los datos secretos del gallego y los límites de las políticas lingüísticas no que revela os datos das consultas que a Xunta de Galicia fixo ás familias sobre a lingua das súas crianzas. En concreto, trátase das series de 2009 e 2010 que ata o de agora non se podían consultar ao igual que o resto da enquisas deste tipo que realizar a administración. A teor destes datos, e tal e como recolle Praza nunha entrevista co autor, semella que a presenza da nosa lingua entre a primeira infancia é superior á que amosaban as análises do Estatuto Galego de Estatística.
Deste xeito, a análise de Fernández apunta que en todo o país un 21% dos cativos ten o galego como lingua inicial, fronte ao 16% que cuantifica o IGE. Por provincias, sería Lugo, cun 34,2%, a máis galeguizada nos primeiros anos, mentres Pontevedra, con só o 14,6%, presenta a pior situación para a nosa lingua. No entanto, o autor advirte que hai diferenzas entre as cifras dos dous anos que poden corresponder a efectos das polemicas sobre lingua no ensino que se deron no momento e aos chamamentos a boicotar as consultas. Ao tempo, chama á Administración a facer públicos os datos de todas as consultas.
