A Torre Tradutor/a: Xesús Fraga
Ilustrador: Adriá Fruitós
Escritor/a: Antonio Sandoval Rey

Ed. Faktoría K de libros,
2018 | Ensaio e Investigación

Esta obra de Antonio Sandoval, coa que comeza a colección Vitamina N, é unha nova aproximación á Torre de Hércules e á súa contorna dende unha visión polisémica do monumento e do territorio que o acolle. A través dun paseo nun día de abril, desde antes do amencer ata a caída da noite, o autor vai coleccionando sensacións, descricións da natureza, relatos históricos e míticos, reflexións de actualidade e consideracións sobre como debe cambiar a forma na que a nosa especie valora e se relaciona coa biodiversidade. A verdadeira pregunta non é quen son, senón onde estou, afirma Sandoval, que vai debullando exploracións personais da xeografía da contorna da Torre, o mar que a rodea, as formas das nubes, a flora, a fauna, e sobre todo as aves... Todo isto mestúrase con narracións que teñen alí o seu escenario: a conquista de Irlanda polos Milesios recollida nos textos medievais irlandeses, e as súas consecuencias históricas nos séculos XVI, XVII e no Rexurdimento. Con esa panorámica e axudado polos recentes descubrimentos xenéticos e paleontolóxicos, pregúntase pola condición humana. Tamén reflexiona sobre o presente: o mundo dixital, o impacto das redes sociais ou a crise de valores. E non faltan alusións ás mareas negras que afectaron a costa, as lendas ou episodios da historia recente. O monumento da Torre de Hércules -Patrimonio da Humanidade dende 2009- é o fío condutor do relato na súa condición de faro, referente arquitectónico da antigüidade e icona dun espazo sobresaínte onde mesmo se teñen achado varios petróglifos.

» Título: A Torre
» Escritor/a:
   Xesús Fraga
» Ilustrador:
   Adriá Fruitós
» Escritor/a:
   Antonio Sandoval Rey

» Ed. Faktoría K de libros,
» Ano: 2018
» Xénero: Ensaio e Investigación
» IBIC: DNF - Ensaios literarios
» Coleccion: Vitamina N
» Pax: 240
» ISBN: 978-84-16721-27-6