Parir a liberdade Escritor/a: Elvira Fente

Ed. Alvarellos Editora,
2010 | Xornalismo

A partir de 1975 xorden en Galicia as primeiras reivindicacións do movemento feminista. O obxectivo era transformar un sistema social feito por e para homes. PARIR A LIBERDADE reconstrúe a historia do feminismo no país desde os primeiros anos da democracia. A obra divídese en tres apartados: os albores da loita feminista, os eixes temáticos que ocuparon as reivindicacións desde o seu nacemento (liberdade sexual, aborto, prostitución, violencia de xénero, traballo e economía solidaria) e, finalmente, os testemuños das mulleres que estiveron na fronte de batalla nos primeiros momentos e cuxo espírito aínda segue latente, con dez amplas entrevistas a María Xosé Queizán, Nanina Santos, Ana Fernández Puentes, Carmen Blanco, Sabela Mouriz, Tareixa Navaza, Rosa Bassave, Lupe Ces, Ana Míguez e María Xosé Agra. “Parir a liberdade” é expresión utilizada por María Xosé Queizán en varios dos seus traballos. “A miña idea de feminismo é unha idea racionalista, de xustiza. A de crear unha sociedade mellor, de mulleres e de homes”, afirma Queizán neste libro.
[Contracapa do libro]

» Título: Parir a liberdade
» Escritor/a:
   Elvira Fente

» Ed. Alvarellos Editora,
» Ano: 2010
» Xénero: Xornalismo
» CDU: 82-92=134.4
» IBIC: DNJ - Reportaxes e colección de artigos xornalísticos
» Coleccion: Oeste
» Pax: 419
» ISBN: 978-84-89323-45-2