Galiza na Guerra Civil Escritor/a: Xesús Costa Rodil
Escritor/a: Xesus Santos Suárez

Ed. Concello de Rianxo, Concello da Pobra do Caramiñal,
2007 | Ensaio e Investigación

A Historia, memoria critica do pasado, ten a obriga, tamén, de servir á dignidade humana, de fornecer o vieiro do respecto ós dereitos humanos. E neste camiño, a pescuda da verdade histórica, coa clara intención do seu mellor coñecemento — e non a de revisión con intencionalidade de terxiversar serve para tomar conciencia das accións que no pasado foron nefastas para as sociedades, e as ameazas que no presente atentan á nobreza humana.

Memoriar para non desaparecer da Historia. E manter vivos os lugares e construcións que foron testemuñas de feitos relevantes é un deber social. Nunca máis á guerra, máis si valoración do pasado no presente para asegurar unha convivencia digna e un futuro de verdadeira paz.

Os estudos monográficos, caso da nosa publicación, son elementos que contribúen a concretar a visión xeral. Neste senso, a un mellor coñecemento dos Campos de Concentración de prisioneiros republicanos desta parte de Galiza, dende o Sar, en Padrón, a Monte Louro, vixía de Muros, deténdonos en Rianxo e na Pobra do Caramiñal.

E nesta investigación, os modestos arquivos locais (municipais, parroquiais, xulgados), completados, nalgúns casos, coa contribución de documentación familiar, servíronos de fontes básicas para o estudo dos Campos. Os grandes arquivos, igualmente presentes, teñen menor contribución directa, mais si indirectamente, a través da bibliografía.

Conmemoramos, neste 2007, no mes de novembro, os setenta anos da apertura dos campos de Concentración de Muros e de Rianxo. Por esta razón, pareceunos apropiada a publicación deste libro, como una achega máis ó proceso de recuperación da memoria, promovida pola Xunta de Galiza.

E non poderíamos sentir o ambiente da vida dos prisioneiros nestes recintos carcerarios sen as testemuñas de moitas persoas de Muros, Padrón, A Pobra e Rianxo. Á súa axuda, o noso maior agradecemento.

Gratitude do mesmo modo, ós concellos e arquiveiros e arquiveiras dos mesmos, ós abdades parroquiais, ó persoal dos xulgados, a quen nos proporcionaron fotos, ás persoas da documentación familiar, ós editores deste texto que fan posible que vexa a luz.

[Limiar do libro]

» Título: Galiza na Guerra Civil
» Escritor/a:
   Xesús Costa Rodil
» Escritor/a:
   Xesus Santos Suárez

» Ed. Concello de Rianxo, Concello da Pobra do Caramiñal,
» Ano: 2007
» Xénero: Ensaio e Investigación
» IBIC: DNF - Ensaios literarios
» Pax: 269
» ISBN: C 3664-2007

» Crítica: Longa noite de pedra