Suso Montero
Dirección artística
Nome completo: Jesús Vázquez Montero
A Coruña 1952
(Retrato © César Gorriz)
Director artístico e prolífico decorador, na altura de 2009 é autor de 183 decorados de televisión, 35 de teatro, 9 de cine e 15 noutros espazos. Na súa carreira artística experimentou e traballou coa pintura, a fotografía e moi especialmente a escultura en cartón-pedra e fibra de vidro. En 1987 deseñou e pintou o seu primeiro decorado para Televisión de Galicia para o programa “A toda máquina”, ao que seguiría unha amplísima listaxe, incluíndo os informativos do Telexornal (1990-1995 e 1998-2000). Tamén é o autor dos decorados de innumerables galas e entregas de premios para TV e diferentes produtoras galegas. Destacan especialmente os seus traballos en espazos naturais, baixo árbores ou, aínda máis espectacular e nunca feito nunha televisión, sobre o mar, como foi o caso do musical “Mar a mar” (1991), gravado integramente sobre unha batea na Illa da Toxa.
Premios e recoñecementos: A Xunta Directiva da Academia Galega do Audiovisual aprobou concederlle o Premio de Honra Fernando Rey 2008 en recoñecemento á súa traxectoria profesional. Medalla de Ouro da Feira Internacional de Artesanía de Munich (Alemaña 1981). Deseño artesanal da Consellería de Industria e Traballo, Xunta de Galicia 1985. Premio María Casares 1997 ao mellor vestiario por “Escola de Bufóns”. Premio AGAPI 1998 ao mellor vestiario por “A noiva de media noite”.
Formación específica: Formado na Escola de Artes e Oficios “Pablo Picasso” da Coruña.
Dirección artística
Nome completo: Jesús Vázquez Montero
A Coruña 1952
(Retrato © César Gorriz)
Director artístico e prolífico decorador, na altura de 2009 é autor de 183 decorados de televisión, 35 de teatro, 9 de cine e 15 noutros espazos. Na súa carreira artística experimentou e traballou coa pintura, a fotografía e moi especialmente a escultura en cartón-pedra e fibra de vidro. En 1987 deseñou e pintou o seu primeiro decorado para Televisión de Galicia para o programa “A toda máquina”, ao que seguiría unha amplísima listaxe, incluíndo os informativos do Telexornal (1990-1995 e 1998-2000). Tamén é o autor dos decorados de innumerables galas e entregas de premios para TV e diferentes produtoras galegas. Destacan especialmente os seus traballos en espazos naturais, baixo árbores ou, aínda máis espectacular e nunca feito nunha televisión, sobre o mar, como foi o caso do musical “Mar a mar” (1991), gravado integramente sobre unha batea na Illa da Toxa.
Premios e recoñecementos: A Xunta Directiva da Academia Galega do Audiovisual aprobou concederlle o Premio de Honra Fernando Rey 2008 en recoñecemento á súa traxectoria profesional. Medalla de Ouro da Feira Internacional de Artesanía de Munich (Alemaña 1981). Deseño artesanal da Consellería de Industria e Traballo, Xunta de Galicia 1985. Premio María Casares 1997 ao mellor vestiario por “Escola de Bufóns”. Premio AGAPI 1998 ao mellor vestiario por “A noiva de media noite”.
Formación específica: Formado na Escola de Artes e Oficios “Pablo Picasso” da Coruña.
FILMOGRAFÍA
- Piratas (2011)
- O Nordés (2009)
- Flores tristes (2008)
- Somos unha potenzia (2006)
- Libro aberto (2006)
- O show dos Tonechos (2005)
- O lapis do carpinteiro (2002)
- Contar (1999)
- Mareas vivas (1998)
- O tesouro (2) (1997)
- Chambo (1997)
- A noiva de medianoite (1997)
- Xabarín Club (1994)
- A matanza caníbal dos garrulos lisérxicos (1993)
- Dame lume (1993)
- Luar (1992)
- Unha de romanos (1989)
- Servizo de Urxencias (1988)
- O cadaleito (1976)
