Fernanda del Nido

Fernanda del Nido
Produción
Nome completo: Fernanda del Nido
Bos Aires (Arxentina) 1974   

---

Traballou nas áreas de produción e desenvolvemento de diversos medios de comunicación e empresas do audiovisual, tanto na súa Arxentina natal como en Galicia. Fundou a compañía Tic Tac Producciones en 2006 co obxectivo de desenvolver longametraxes, facendo especial fincapé no establecimento de pontes de coprodución desde Galicia para Latinoamérica e Europa.

Formación específica: Despois de graduarse como licenciada en Ciencias da Comunicación con Orientación en Procesos Educativos na Universidade de Bos Aires, profundiza os seus estudos de posgrao realizando o Mestrado en Produción e Xestión Audiovisual (MPXA) e cursando o doutoramento de Linguaxe, Ciencia e Antropoloxía da Facultade de Humanidades, ambas no seo da Universidade da Coruña (UDC). En 2008 gradúase no programa de formación para produtores independentes europeos EAVE (European Audiovisual Entrepreneurs).