Isabel Risco

Isabel Risco
Actriz
Nome completo: Isabel Martínez-Risco Valdivieso
A Coruña 1975   

---

Comezou no teatro universitario en 1997. Exerceu de presentadora de galas, contadora de contos e trabllou na radio. Porén é como actriz televisiva como máis é coñecida, xa que durante a década de 2000 a 2010 ademais da súa actividade teatral ininterrompida desenvolveu unha intensa presenza na canle autonómica. En 2004 debutou concursando en O rei da comedia e colaborou en Máxima audiencia, despois mesmo copresentaría deste último. Zapping Commando deulle o seu primeiro papel protagonista, e a partir daí a súa vertente cómica abriulle as portas doutros diversos títulos da TVG, de cote do equipo creativo Zopilote. En 2009 colaborou humoristicamente con Víctor Fábregas como A estraña parella no programa Luar. Tamén actuou para curtametraxes, como a italiana Retorno a San Andrés (2006).

Premios e recoñecementos: Premio Mestre Mateo, entregado en 2014, á mellor intérprete feminina de reparto, por Era visto!.

Formación específica: Graduada en Pedagoxia Teatral (2002-05). Formación en diversas áreas (clow, comedia dell´arte, bufón, etc) con John Wright (2004 e 2007), na UDC (stage europeo, 2006), con Tom Greder (2005), Claudia Contin e Johnny Melville (2004), Carlo Bosso (2003), Eric de Bont (2001 e 2003), no Théâtre de L’Organic de Andorra (2003), Jango Edwards (2002), Carlo Colombaioni (2002), Leo Bassi (2001), Manuel Lourenzo (1998), Jorge Castro (1998), Manuel Vieites (1996). Tamén realizou un curso de esgrima teatral na Universidade de Avignon e formación musical.