Laureano (interpretado por Fernando Morán), no Eldorado
Laureano ten 58 anos. Naceu cerca de Santiago e recalou en Celavella despois de percorrer Galicia e ir á guerra de Cuba. Alcalde da vila e dono do Eldorado, o café, ultramarinos e cine de Celavella. Está casado con Leocadia e é pai de Paquiño, ademais de xefe de Crisanto. Tranquilo case até o estoicismo, quere ter unha vida sen moito rebumbio. Comparte con Wenceslao e con Crisanto un segredo: Os tres son masóns.