Precisas o Flash Player para ver o video.
“Son practicamente un fillo do exilio, os meus pais coñecéronse en España na Guerra Civil”, explica José Gómez Abad. Fillo do coñecido guerrilleiro Gómez Gaioso, executado na Coruña, o noso protagonista viviu marcado pola súa orixe. “A miña nai, na infancia e na adolescencia, logrou formar en min este amor a Cuba e sobre todo a España e a Galicia”. Dentro do seu compromiso coa illa caribeña e coa súa revolución participou nos traballos de intelixencia que prepararon as actividades de Ernesto Che Guevara como guerrilleiro en Bolivia. Unha incrible biografía que nos achega Xan Leira á serie Historias de Vida.