Precisas o Flash Player para ver o video.
Descendente de galegos, Fernando Assis Pacheco é un nome fundamental para as letras portuguesas do século XX. “A Galiza como idea foime sendo relevada ao longo do tempo”, contáballe á cámara antes do seu falecemento en 1995. Na súa condición de galego-portugués, este escritor apostou por coñecer as súas orixes. “Da miña familia son o único que se sentiu atraído por Galiza e pola cultura galega”, explica. “Ser galego en Portugal durante moitos anos foi pexorativo. O galego lavábase pouco”, lembra “rapaba o cabelo ao cero porque suaba moito e non se duchaba”. Unha visión única sobre nós, a que nos achega Xan Leira ás Historias de Vida.