Precisas o Flash Player para ver o video.
Nado en Paderne de Allariz, César Ollero chegou a Arxentina cun ano e medio. “Eu practicamente non tiven nenez, vivín unha situación difícil”. Fillo dun militante anarquista, xa con dezaseis anos comezou a traballar nunha fábrica metalúrxica. Ao comezar a Guerra Civil, involucrouse a prol da República. “Entre outras cosas pintaba para a decoración dos teatros onde se facían os actos de axuda a España e fun tomando consciencia de clase, que xa a viña arrastrando desde a nenez”. Finalmente afiliado ao Partido Comunista, Ollero converteuse nun importante nome da Unión Obreira Metalúrxica. Unha biografía de loita que nos chega da man de Xan Leira a Historias de vida.