A institución, que tomou esta decisión na apertura do curso académico o pasado 22 de febreiro, salienta de Rof Codina "a súa contribución á modernización do sector agropecuario en Galicia e á difusión do concepto de asociacionismo entre os gandeiros galegos". Ao longo da súa traxectoria "traballou arreo a prol da renovación técnico-produtiva da agricultura galega ao longo do século XX, destacando dous campos: a aplicación e divulgación de novidades zootécnicas e a posta en práctica de medidas de hixiene pecuaria para a mellora substancial do continxente gandeiro, para o que comeza a escribir artigos de difusión de boas prácticas; e a organización e valorización da profesión veterinaria en España", segundo destaca o perfil que a Academia realiza deste cientÃfico.
Nado en Cataluña en 1874, desenvolveu en Lugo a súa carreira profesional. Entre os seus estudos máis destacados destaca a monografÃa La raza bovina galega, de determinou por vez primeira as caracterÃsticas propias do que logo serÃa a Raza Rubia Galega. No campo patrimonial tivo un papel fundamental na conservación da Muralla de Lugo ao se opor ferventemente ao proxecto do seu derrubamento. Segundo destaca a RAGC neste sentido "os seus argumentos culturais e técnicos (o cálculo detallado dos carros tradicionais que serÃan necesarios para levar a cabo a operación) foron fundamentais para desbotar a idea". Para alén dos actos previstos para o DÃa da Ciencia, a Academia adianta o desenvolvemento de diferentes actividades de lembranza ao longo de todo ano.
