Xabier Fortes e Antonio José Meilán
O xornalista Xabier Fortes, presentador en TVE, e o catedrático da universidade de Oviedo, Antonio José Meilán, foron galardoados cos premios Folgueira 2025 que concede a asociación Axuntar, a entidade pola normalización do galego de Asturias. Fortes recibirá o premio polo "seu especial aprecio polo galego de Asturias" e o "compromiso manifestado desde os medios pola diversidade lingüística e cultural do Estado". Pola súa banda, Antonio José Meilán é un dos referentes destacados na investigación e defensa do galego de Asturias e coautor das primeiras Normas Ortográficas e Morfolóxicas do Galego de Asturias (1990). O acto de entrega do premio será en Oviedo, no Club de Prensa Asturiana.
