Imaxe promocional da publicación
A libraría e editorial Boulevar de Bueu ven de iniciar o seu catálogo de publicacións propias sacando do prelo ' Inventaria. Antoloxía poética 1999-2009', unha recompilación bilingüe da obra poética de Emma Pedreira. Detrás deste novo proxecto de libraría e editorial presentado en abril está o político e concelleiro de Bueu Daniel Chapela, e Beatriz Pereira Expósito. Segundo explican desde a editora, está previsto que o seguinte lanzamento sexa unha edición das dúas obras narrativas da mesma autora e tamén en estará dispoñible en galego e en castelán. A libraría programa varias actividades de animación á lectura e acolle hoxe mesmo, 16 de outubro, a súa primeira presentación dun libro, co escritor Samuel Ferro para conversar sobre 'A queimada das ánimas', libro publicado tanto en galego como en castelán.
