Portada do libro
A Libraría Couceiro de Compostela acollerá hoxe, 1 de outubro, ás 19:00, a presentación galega dunha antoloxía poética moi especial: escritoras contemporáneas galegas e irlandesas presentarán To the Winds our Sails: Irish writers translate Galician Poetry. Trátase dunha antoloxía de dez poetas galegas de diferentes xeracións que seleccionaron poemas para a súa tradución, por parte de escritoras irlandesas. O libro foi editado pola profesora da USC Manuela Palacios e a poeta irlandesa Mary O´Donnell e publicado en Dublín por Salmon Poetry.
Na presentación realizarase un recital no que participarán Luz Pozo Garza, Mary O'Donnel, Ana Romaní, Maurice Harmon, Chus Pato, Lorna Shaughnessy, Marilar Aleixandre, Xiana Arias, Luz Pichel, María Lado e María do Cebreiro.
