Un libro conmemora os 40 anos de Couceiro

Desde 1969 a Libraría Couceiro deu en ser todo un referente para a cultura do noso país. A conmemorar os seus corenta anos de existencia, o establecemento publica o libro 1969-2009. Palabras de agradecemento. Na obra atopamos colaboracións de escritores, poetas e ensaístas coma Ramón Villares, Suso de Toro, Marilar Aleixandre, Rosa Aneiros, Anxos Sumai ou Inma López Silva ata un total de vinte nomes das nosas letras. Xesús Couceiro, fundador do negocio, reclama desde a súa experiencia unha maior promoción do libro e apunta a necesidade de se abrir ao mercado internacional.