Este venres, 17 de outubro, o auditorio da Casa da Cultura de Vimianzo acollerá unha preestrea exclusiva da nova montaxe da compañÃa Amorodio Teatro: 'Brazaletes'. Este espectáculo enfocado no mundo do fútbol revive un momento histórico, cando o 28 de setembro de 1975 no estadio de El Sardinero, en Santander Aitor Agirre e Sergio Manzanera levaron lazos negros nos brazos como protesta polos derradeiros fusilamentos do franquismo. A obra, en forma de mónólogo, está escrita por Ernesto Is e interpretada por Javier Castiñeira, que dá vida a diversos xogadores que no seu momento usaron a súa proxección deportiva para reivindicar liberdades e resistencias. Santiago Cortegoso dirixe esta montaxe que estivo en residencia na Casa da Cultura de Vimianzo, onde fará esta estrea que terá tamén como anécdota especial a presencia en sala do ex-futbolista Sergio Manzanera un dos dous protagonistas daquel fito en Santander. Posteriormente a compañÃa presentará as seguintes citas de rpesentación do espectáculo.
