Publícanse as imaxes dos achados da primeira necrópole de fosas funerarias de Galicia

O dezaseis de xaneiro de 2020 dimos a coñecer un importantísimo achado para a arqueoloxía galega. Durante os controis arqueolóxicos realizados para a construción da autovía A-54 no seu tramo Palas-Melide, o arqueólogo Emilio Ramil localizaba o que se considera o primeiro campo de fosas funerarias atopado en Galicia e no noroeste ibérico. Estaba en Xesteira das Palinas (Palas de Rei, Lugo). Tratábase dunha necrópole datada a finais da Idade do Bronce, composta por 55 fosas funerarias das que foron escavadas 40. No interior de cada unha delas había recipientes cerámicos que albergaban as cinzas dos defuntos, e ás veces tamén algunhas xoias, como fibelas. A empresa Lenda Visual, que documentou graficamente todo o proceso, publicou os primeiros materiais audiovisuais dos achados.

Un momento histórico: a escavación da primeira furna fureraria atopada en Galicia:



Proceso de escavación das fosas funerarias: