O Resurrection Fest é o festival máis multitudinario de Galicia

As 54.000 persoas que visitaron o pasado ano o Resurrection Fest de Viveiro sitúan este evento como o festival musical máis multitudinario do noso país. Así o asegura un estudo realizado polo servizo de venda de entradas Ticketea e que recolle hoxe El Progreso. A cita dedicada ao metal despraza así un dos eventos máis tradicional do noso panorama musical, o Festival do Mundo Celta de Ortigueira, que fica en segundo lugar 50.000 participantes. O terceiro posto é para outro evento con poucas edicións ás costas como é o PortAmérica, que levou 35.000 persoas a Nigrán o último ano.