Aínda que só se impuxo nunha das tres categorías ás que optaba, foi na máis importante. O Resurrection Fest de Viveiro acaba de ser declarado como o Mellor Festival de Gran Formato do Estado nos Premios Fest. O evento, que competía co FIB e co Sonorama Ribera, non acadou no entanto os galardóns de Mellor Campaña de Comunicación e de Mellor Zona de Acampada, aos que tamén optaba. Ficou sen galardón este ano o outro finalista galego, o PortAmérica de Nigrán, que aspiraba a repetir no Premio á mellor Zona de restauración.
