Héctor Pose: “os concellos non están obrigados por lei a desenvolver unha iniciativa cultural agás ter unha biblioteca”

A sede da SGAE en Santiago acolleu esta semana a presentacion A planificación estratéxica da cultura en España, unha publicación que fai unha aproximación á realidade de como se foron definindo as políticas culturais en España a través dunha amplia selección de experiencias. Nesa publicación coordinada por Félix Manito, deixan un oco para analizar os plans estratéxicos en diferentes comunidades autónomas. No caso de Galicia, o profesor da Universidade da Coruña Héctor Pose estuda as razóns que impediron o desenvolvemento de plans estratéxicos de cultura en Galicia. Falamos con el para coñecer as debilidades da planificación nos concellos.

No seu capítulo, Héctor Pose enumera as feblezas que detecta nas políticas culturais actuais en Galicia. Comeza falando da ineficacia en compatibilizar as competencias das diferentes administracións, pero non só entre elas e senón ademais delas cos distintos axentes públicos e privados (desde ONG, asociacións....) .

Canda isto, denuncia a falta de criterio na xestión económica da cultura, agravada polo criterio imperante de que toda “a cultura é gratuíta” co que Pose non coincide, senón que avoga pola cultura “a prezos sociais”. Por último, o autor considera que os ámbitos principais das administracións baséanse en tres vectores: difusión reduccionista da cultura que só atende á determinada música, danza e teatro; a lectura pública que orienta exclusivamente a súa acción en mater bibliotecas e, en terceiro lugar, unha visión reduccionista do patrimonio. Unha diagnose que lle permite asegura que a día de hoxe en Galicia “non se fai planeamento estratéxico en cultura”.