A gaivota / O Tío Vania Escritor/a: Antón Chékhov
Tradutor/a: Perfecto Andrade Grande

Ed. Xunta de Galicia, Galaxia,
2011 | Teatro

Dúas obras fundamentais do dramaturgo ruso Antón Chékhov Escrita en 1896, A gaivota é a primeira das obras de Chékhov que son xeralmente consideradas obras mestras do dramaturgo e escritor ruso. Céntrase nos conflitos románticos e artísticos de catro personaxes: a inxenua Nina, a anteriormente gloriosa actriz Irina Arkádina, o dramaturgo experimental Konstantín Trepliov, fillo de Irina, e o famoso escritor Trigorin. Pola súa banda, a acción de O tío Vania ten lugar na herdade de Serebriakov, á que acababan de chegar para residir nela o profesor retirado Serebriakov e a fermosa Elena, a súa segunda esposa. Antes diso, na herdade non existía outra cousa que o traballo arduo de Sonia e o tío Vania, en compañía da nai deste e de Teleguin. Todo ese traballo tiña como fin que Serebriakov puidese obter unha renda decente. A dramática de Antón Chékhov hai que situala nun momento de transcendentais cambios, que en Rusia supoñen o tránsito da sociedade rural a unha sociedade urbana na que se deixa sentir o pulo do capitalismo e dos procesos de industrialización. Os seus personaxes habitan mundos que se derruban e, como consecuencia, sofren penosos conflitos internos cando a realidade que habitan vai derruíndo as expectativas que configuran o seu mundo interior.
[Presentación editorial]

» Título: A gaivota / O Tío Vania
» Escritor/a:
   Antón Chékhov
» Tradutor/a:
   Perfecto Andrade Grande

» Ed. Xunta de Galicia, Galaxia,
» Ano: 2011
» Xénero: Teatro
» CDU: 82-2=134.4
» IBIC: DD - Obras de teatro, textos teatrais
» Coleccion: ESAD Galicia
» Pax: 236
» ISBN: 978-84-9865-385-4